Louis

西醫既做法係:
1. 首先用測試淚水分泌量既試紙, 測試每隻眼既淚水分泌量.
2. 根據測試後既讀數, 由醫生決定是否患有乾眼症, 須唔須要處方乾眼症既眼藥水.

因為如果測試時淚水分泌量係正常, 可能係外在環境因素或個人習慣做成眼睛乾澀, 用一般人造淚水已經可以解決問題.

以前在動物醫院做時, d北京,西施,八哥呢類突眼狗, 好多都有先天性淚水分泌不足, 須要用特別處方配製乾眼症既眼藥水, 早晚滴一次已經可以有效解決問題. 不過呢隻藥用於人類眼睛唔知有無副作用, 我可以俾個藥名你, 問下你個眼科醫生.
1. Cyclosporin
2. Tacrolimus

* 原本呢兩隻藥係人類醫院用於器官移植時, 防止產生排斥反應.

Louis

原帖由 yuki 於 2009-7-20 10:49 發表


謝謝提供資料啊 ..
嘗試去藥房問一吓先 !!

呢隻藥好貴嫁, 成本價都要成四千幾蚊100粒(一盒), 一粒藥配製一支眼藥水, 一支眼藥水可以用一兩個月, 即係一盒藥要至少八年先用得晒, 未用晒都已經過晒期啦.

Louis

用抗敏眼藥水止痕, 另外可以食花粉症個D抗敏藥.

Louis

其實呢, 大家食甘多種藍莓產品護眼, 知唔知係邊一種營養成份護眼呢? 呢一種營養成份叫花青素, 一般深綠色蔬菜已經含有豐富花青素, 例如芥蘭, 西蘭花, 另外, 士多啤梨, 提子, 蕃薯都含有好多花青素.
但係花青素會影響血壓藥, 糖尿病藥, 薄血藥, 肝病藥, 食以上種類藥物既人士, 唔好食藍莓精華產品呀, 因為成份太濃縮啦, 食左會影響病情嫁, 不過食一般含有花青素既蔬果就無問題.

點解唔用以上蔬果提煉花青素呢, 商業決定囉; 用"藍莓精華"個名好聽D矜貴D丫嘛, 咪可以呃多D錢囉! 唔通用"蕃薯精華"咩, D人聽到, 睬你都傻, 不如買個蕃薯食好過啦.....

講開又講, D女士護膚恩物"骨膠原", 又話要用深海鯊魚提煉, 咪又係商業決定囉, 豬皮,豬腳筋,牛筋,雞軟骨,魚皮, 咪一樣含有豐富骨膠原, 都係因為材料同個名唔矜貴, 所以用"深海鯊魚"個名, 又可以呃多D錢囉!