Louis

當然要處方, 問題係在於醫生違反"處方指引", 即係幾時須要用抗生素及使用邊一種抗生素.

因為公立醫院病人多, 工作繁忙, 好多醫生唔可以仔細跟進每一個病人既病, 醫院床位緊張, 加上病人濫用投訴機制, 做成部份醫生為免浪費自己及病人時間, 以及病人投訴, 一開始就用強力抗生素, 有理無理大包圍去殺滅所有病菌病毒, 冒求儘快醫好個病人, 讓病人出院. 如果開d低藥力既抗生素, d病人又會話醫生"dump"症; 叫病人覆診, 又話醫生想呃多次診金, 又話要工作, 無時間.

呢個方法雖然可以短時間有效醫好d病, 但係就存在漏洞, 就係如果病人無依足吩咐食藥, 定期覆診, 當病情稍為好轉就停藥, 俾體內剩餘既病菌/病毒有喘息機會, 再度變種繁殖, 就造成日後抗藥性既問題, 以及在社區散播開去.

點解私家醫院甘貴而又醫術高明呢? 就係依足指引, 做齊儀器診段及化驗(例如X光, 種菌, 磁力共振, ...), 對症下藥; 但如此依足指引治療, 雖要大量金錢時間, 一般為口奔馳既小市民又如何負擔得起, 政府就更加唔會.

所以濫用抗生素呢個問題, 病人都有部份責任.

Louis

唔食抗生素, 即係等身體自己製造抗體打低d病菌, 好番時間要耐好多好多, 如果體質弱, 根本連製造抗體都有問題, 唔食抗生素又點會好呢.
如果有發高燒就更要小心, 發高燒真係會燒壞腦.
所以抗生素可以食, 但一定要依照醫生指示食藥同埋覆診.

另外簡單講一講中藥同西藥既分別, 經過現代科學分析:
中藥係一種複合藥物, 即係藥物中包含多種化學成份, 當中包含有治療作用既成份及毒藥, 而呢d具治療作用既非營養成份化學物質, 具有調節人體新陳代謝功能, 並進而有助於抗氧化、抗炎、抗過敏及抗癌的作用.

而現代西藥係根據前人經驗及藥方, 選取動物部分,植物部分,黴菌,礦物當中, 針對上述有治療效用既化學成份, 加以分析及臨床試驗, 再用人工方式大量生產.

所以有時令人覺得中藥療效慢, 可能係在一劑藥中, 有效成份低, 唔及西藥一粒藥丸相同既有效成份濃縮.

Louis

唔愛錫身體都要愛錫家人嫁......