Louis

我都有種你這品種的花在tiolet, 但為什麼第一次花期完了後, 再生的葉很小及沒有花蕾呢???
大M 發表於 2010-1-10 20:01

好多呢d球莖類花卉, 開過一次花後, 已經消耗大部份養分, 要埋番落泥, 經過秋冬(雪凍), 重新吸收儲蓄營養落個球莖度, 等第二年春天回暖再開花, 例如:風信子, 鬱金香, 百合, 都係甘樣.

Louis

香港天氣太暖, 好難繁殖風信子. 如果想繁殖風信子, 買個風信子球返黎時, 一開始就已經要埋於泥下種植. 風信子d根好脆弱, 一斷就生唔番, 所以好易死. 我以前晌加拿大種風信子時, 一開完花就要剪斷花莖, 淨番d葉於春下兩季養球, 秋天d葉枯黃時, 個球已經重新飽滿, 可以決定掘出球莖或留於泥中繼續栽種.
如掘出球莖, 清除泥土後, 用殺菌水浸半個鐘, 風乾後用報紙包住放陰涼地方/雪櫃儲藏.
如用花盆繁殖, 多數失敗, 我試過開完花, 養球, 第二年再開花, 但d花已經細同少好多, 個球已經細過第一年, 第三年死埋; 香港氣候太暖, 好難做好養球程序. 鬱金香都係甘. 百合反而得, 可能因為係本地品種.