Louis

Harrison 糧說明上寫, 除左係有機認證及無添加之外, 仲話係將D材料磨碎成粉, 再冷壓(唔加熱)成一粒粒, 所以比較天然, 亦所以開封後容易變質.

Louis

大家都要先了解所飼養鸚鵡品種體質特性, 再選擇適當食物及鳥糧.
例如: 亞馬遜 及 玫瑰葵花, 係極容易肥仔既品種, 容易因營養過剩而肥胖, 以致患上各種心血管疾病, 脂肪瘤, 脂肪肝等因肥胖引起既疾病, 所以建議餵較低卡路里既糧.

Louis

如果係亞馬遜, 可以餵Harrison Lifetime / Pepper, Roudybush Daily Maintenance / Low Fat(香港好似無), 或其他牌子 Low Fat 鳥糧, 多做運動, 多食蔬果, 少食果仁種子, 定期磅重.

Louis

可否講下冷壓(唔加熱)成一粒粒的好處？
ECKO 發表於 2012-3-21 16:03

將材料加熱壓製或烘製, 可以令粒糧定形(特別形狀, 例如: 圈形, 星形, 花形)後穩固, 或者做成脆脆口感, 以吸引隻鸚鵡進食. 但熱力有機會令部份營養流失, 甚至變質或唔襟擺.

冷壓, 就係將材料直接壓成粒狀, 可避免以上營養流失問題, 但缺點係粒糧會好堅硬, 同埋形狀單一乏味.