Louis

以前見過好多狗長期食爆骨丸, 導致骨骼生長過快畸形, 生骨刺, 結石等問題.
亦見過好多所謂冠軍犬, 只係外形同服從性冠軍, 身體內裡其實多多毛病, 需要長期服用藥物. 建議所有狗展比賽, 有埋驗尿一環, 就無所遁形.
生骨較容易消化, 熟骨較難消化. 唔需要怕唔衛生, 只怕生寄生蟲, 定期杜蟲就可以. 食骨時候會成地口水, 所以最好屋外食.
你可以試下做個實驗, 準備兩杯白醋, 一杯浸生雞翼骨, 一杯浸熟雞翼骨, 結果係生骨會較快被軟化.

Louis

狗唔會有嗜血, 只在乎食物有無味道, 基本上狗都好為食, 唔會理生定熟.
所謂嗜血, 應該係嗜獵. 有d狗會捉老鼠, 會追貓等小動物, 呢d係求生捕捉食物天性, 自小需加以教導糾正, 否則大左就有機會襲擊小朋友, 狗一樣會受荷爾蒙或疾病影響情緒及行為, 當隻狗襲擊小朋友或其他小動物時, 好多時係不能自控, 問題唔晌隻狗身上, 係主人疏忽導致.

咬骨頭除左吸收鈣質, 骨膠原之外, 咬骨過程, 隻狗會不停咀嚼磨擦牙齒, 可以練牙力及清潔牙齒.

如果屋企有花園, 餵骨最好晌屋外. 但要留意隻狗會唔會將食剩既骨, 掘窿收藏, 到時花園d植物就遭殃, 就好似卡通片一樣.
我隻狗就係會周圍掘窿, 連地下d薯仔, 番薯, 薑, 都掘晒出黎.