Louis

成份參考資料:
http://www.allpetz.co.uk/pluck-n ... -6-fl-oz-1404-p.asp
http://www.happybirdy.com/mainfo ... howthread.php?t=941

Louis

請問可否告之your suggestions or comments on this product, thanks!
jennymok 發表於 2012-6-11 11:53

隻產品都出左好多年, 應該就無毒. 不過以防萬一會有藥物過敏, 預備定獸醫急救電話.
會唔會上癮, 我就唔知, 不過如果會上癮, 應該會受到管制.
所以我覺得不防一試, 如果見效, 就唔好即停, 用多一星期, 然後隔日用一星期, 再然後隔兩日用一星期, 一路慢慢減低使用次數, 一路觀察, 最後先至停藥.
不過如果病因係出自身體, 例如:內分泌問題, 呢d草本藥就唔會有效.

Louis

我隻係love bird之前拔到心口無曬毛我用左半枝大細雀唔同分量樽上面有說明教你份量呢枝拔毛水唔係精神科藥係草本藥安全架以前香港無得買我上網訂返黎不過一定要用純蒸餾水水唔可以有雜質會影響草本功效我用屈臣氏蒸餾 ...
BOBO 發表於 2012-6-11 17:33

大麻, 罌粟(鴉片), 都係草本藥, 正確使用, 係優良麻醉止痛藥, 濫用就會成為毒品. 所以唔好人地寫草本藥就可以放心用, 用前最好查清楚成份.

Louis

話一定要用蒸餾水, 我覺得唔一定, 除非隻藥性質好唔穩定. 因為北美地區水源係硬水, 含大量礦物質, 有機會影響藥效, 但香港用既係軟水, 只要過濾煲滾, 就應該無問題.

至於要戒口連生果都唔可以食, 因為咬毛有機會因食物過敏而引起, 所以要戒除所有雜食, 醫好咬毛症狀, 等到第日隻雀再咬毛, 就要諗下隻雀食過乜野, 接觸過乜野, 以致再次咬毛.

常見既先天內分泌問題有: 甲狀腺分泌過多或不足, 腎上腺皮質醇過多或不足, 都會直接影響皮膚健康及毛髮生長. 要通過驗血先可以證實有無以上內分泌問題, 如有就要長期服用藥物控制該內分泌, 以及需要定期驗血以調整用藥劑量.

而引起發情既雄性或雌性荷爾蒙過多, 就會影響極端情緒以致咬毛. 所以服用有鎮靜成份或效用既藥物, 可以舒緩過度興奮或焦慮, 甚至令隻雀嗜睡, 從而減少咬毛. 另外有d藥物/食物可中和或抑制該荷爾蒙, 以減少對情緒既影響. 例如: 有研究話服用大豆異黃酮(植物雌性荷爾蒙), 會對荷爾蒙問題有幫助, 所以有d文章會教人餵隻鸚鵡食豆腐豆漿, 去幫助咬毛問題.

如要餵藥, 用針筒餵比較直接快捷.

Louis

水中氯氣唔需要擔心, 因為煲水既時候已經受熱力揮發掉.

內分泌問題會隨年齡而出現, 亦會受環境及心理所影響. 例如細個時某些內分泌未開始製造及未需要使用, 所以對身體無影響. 但當進入成年繁殖年齡, 某些內分泌應該生產適當份量供身體使用, 患者此時先至會出現供應不足或過剩問題.

環境因素例如季節轉變, 日照時間, 食物供應, 食物營養, 其他鳥鳴, 皆可影響內分泌.

心理因素例如焦慮, 驚恐, 興奮, 緊張, 納悶等, 亦可影響內分泌.