中大型鸚鵡繁殖有別於家禽或家畜, 由出生到性成熟, 至少要五年時間, 大型鸚鵡如金剛鸚鵡更長達十年, 配對過程長達幾個月甚至幾年, 如覺得配偶或環境唔適合, 寧願唔配對唔生蛋唔繁殖. 成功配對後係一生一世(折衷例外), 雙宿雙棲, 唔會再轉配偶, 大多數失去配偶後亦唔會再配對. 所以鸚鵡價錢高昂, 係因為繁殖極度困難, 以至瀕臨絕種.
一般繁殖家係同時購入一對亞馬遜種鳥, 用百平方呎戶外大籠, 內置適當巢箱, 為要保持野性及繁殖本能, 不可當為寵物玩賞. 每日就像動物園管理員般, 日常餵食及清潔, 日日如是, 希望三五七年後有朝一日, 對雀會生兒育女. 所以如果樓主想用繁殖鸚鵡作為生財工具, 放棄吧. |
發表於 2012-7-11 10:11
|