返回列表 發帖
雞尾, 眼結膜炎.
彩鳳, 生疥癬蟲.

TOP

咁應該點醫治???
SChloe 發表於 2012-8-3 10:36


你可以去雀街"龍華軒", 十六兩隔離轉角, 買支啡色盒 G 字頭抗生素眼若藥水, 呢支不含類固醇. 由於此抗生素藥力只維持8小時, 所以用法係: 每日滴三次(早午晚), 每次一滴, 滴十日, 就算十日內已經好番都要繼續滴, 完成整個療程, 以防細菌產生抗藥性.

另外疥癬蟲藥, 要去鸚鵡店, 買隻叫 Scatt 既藥水, 好似要成二百蚊支, 每30g體重用一滴, 如果係彩鳳, 一滴已經夠, 撥開頸背羽毛, 滴一滴於頸背皮上, 等皮膚吸收, 藥力有效三星期, 三星期後用多一次.
即係支藥水二百蚊買番黎, 淨係用兩三滴, 計落都好唔化算.

能記好似都有呢隻藥水賣, 不過係散裝, 所以唔知有無過期.

TOP

記著滴完眼藥水才清潔眼睛
因為當你滴眼藥水時, 藥水少不免會濕左眼周圍的毛
藥水乾左時, 會硬硬地, 牠都會去R!!!!
所以先滴藥水, 之後一次過清潔

P.S. 記著滴藥水時, 要捉著牠個頭
不要讓牠一接觸藥水便搖頭 ...
moon427 發表於 2012-8-3 11:57


Dexanicol 既抗生素成份, 藥力只可維持8~12小時, 一日滴一次係唔足夠, 藥效過左既時候, 好容易助長細菌產生抗藥性, 至少每日要滴2~3次.

TOP

眼鼻咀及腳趾周圍羽毛會脫落, 有明顯角質增生, 咀部及腳甲會畸形生長.
無精神無胃口, 鬆毛, 氣喘, 張口呼吸, 打噴嚏, 咳嗽, 呼吸有聲, 體重下降, 尾巴上下擺動. 飛完後, 呼吸病徵會特別明顯.

TOP

每個位置既寄生蟲, 檢驗放法都唔同, 例如:
腸道寄生蟲, 驗大便;
氣囊疥癬蟲, 照內窺鏡;
羽蝨, 拔羽毛後用顯微鏡, 多的話肉眼會明顯見到晌羽毛上爬來爬去..
如果寄生蟲數量少, 患者未有明顯病徵, 好難驗到.

如果隻雀精神, 食得訓得玩得, 無需要特別去杜蟲, 因為所有杜蟲藥都係毒藥.

TOP




好似早排有雀友買到呢隻杜蟲藥, 呢隻藥成份係Ivermectin, 可以同時杜體內外大部份種類寄生蟲, 包括疥癬蟲, 以前淨係獸醫專用. 買時記得按雀鳥大小選擇, 灰鸚應該用medium bird.

TOP

返回列表