Louis

椰皇都係好好天然零食及玩具, 先洗乾淨, 我自己飲晒d椰水, 之後斬開個殼放入籠, 隻雀就會好有心機慢慢刨乾淨d椰肉, 食晒淨番個殼時, 用水烚一烚然後風乾或曬乾, 穿起做玩具.

Louis

椰青, 十幾至廿幾蚊個, 大型超級市場及生果檔有售.
價錢貴, 外層因被包裝膠侷住, 所以容易發霉, 如果表面有黑點灰點紫點, 即代表已發霉, 需不影響內裡椰水椰肉作食用, 但已不適而宜俾鸚鵡作玩具咬. 如果無發霉, 就係個耐玩既玩具, 淨係要咬爛表層, 都可以玩好耐. 椰殼不太硬, 容易破開.


椰皇, 幾蚊至十幾蚊個.  超級市場, 生果檔有售.
價錢平好多, 望落比較衛生, 一般都甚少見到表面發霉. 椰殼不太硬, 容易破開.


椰子, 十幾蚊個, 超級市場, 街市菜檔, 生果檔有售.
椰水少, 椰肉厚硬, 椰殼硬, 不易破開, 但造玩具耐咬.


我自己通常都係買椰皇, 細細個放雪櫃唔佔位置, 椰肉薄, 鸚鵡容易食乾淨晒.