Louis

了哥識得用鸚鵡既磨爪棍磨咀, 可以長期用. 但係如果個咀已經長到交叉左, 先要幫佢打摩/修剪至正常開合, 之後放磨爪棍入籠, 慢慢隻雀會識得磨番靚個咀, 一個月就正常樣. 如果唔修正番個咀先, 只係放磨爪棍入籠, 個咀都會磨番短, 但係會左右唔平衡.
而且當發現有交叉咀, 應該盡早修正, 否則會變成永久性.
除左雞料, 有營養d可以轉餵了哥合成糧(softbill diet)或者Harrison 細粒裝. 仲有唔好餵甘多深綠色菜, 深綠色菜含有高鐵質, 了哥吸收過多鐵質可以引致"血鐵沉積症", 使肝臟衰竭.

* Softbill類鳥, 天生食軟質食物(例如,昆蟲,水果,花蜜,花粉,...), 這類食物所含既鐵質少, 所以這類鳥身體不能處理太多鐵質, 所須要鐵質比其他鳥類更少, 不可隨便餵維他命礦物質添加劑.

Louis

餵完新鮮辣椒記住幫佢地抹腳仔, 揩到眼就狂標眼水, 餵辣椒乾無汁就唔怕.

Louis

我以前幫人養左幾個月(用鸚鵡籠養), 日日都見隻了哥食完野用磨爪棍磨咀.

Louis

原帖由 能言烏 於 2009-3-22 12:51 發表
昨天晚上同隻了哥換籠紙,突然係條棍跌咗落呢,咁就無咗都唔知セ事,早上還見佢好正常同平日一樣,完全無有病像証,養了它10年,今天早上聽不到它的叫聲,心裹非常不開心,烏類有無心藏病呢樣野嗎.

有, 同人一樣, 肝病,腎病,心臟病,癌病,都有機會有, 要知道死因只有由獸醫解剖作死因研究, 除左政府同動物園, 我相信無邊個主人捨得自己俾錢去追求死因.
但係唔知道死因, 第日又好難預防同類事件發生; 一般人覺得, 都養左甘耐, 死左算啦.

Louis

原帖由 小英仔 於 2009-3-24 10:10 發表
了哥有幾耐壽命,10年係咪年老死去呀

應該平均15~20年, 我以前晌加拿大個鬼佬鄰居, 養左隻了哥已經18年, 平時食 Softbill 合成糧+麥皮蟲+生果.