每年繁殖季節, 都須要用大量 Harrison 奶粉. 今次 Harrison 奶粉又無貨, 一如以往, 買 High Potency Fine 搗成細碎做奶粉, 但係實在費時費力. 今朝終於的起心肝, 一早走去上海街一帶, 諗住買部磨粉機. 先行一手店格價, 試機, 再行二手店. 終於搵到部合心水既.
呢部HK$480, 容量150g, 中國製造, 抄台灣設計, 容器不鏽鋼造, 機身鐵造, 整體造工較為粗糙.

有少少缺點, 頭重腳輕, 用時要用手按住.
另一部HK$2170, 容量150g, 台灣製造, 另配有縮小容量配件(75g).

呢部手工好d, 無頭重腳輕, 全機不鏽鋼造, 感覺上安全d衛生d, 所以肉痛d, 買左呢部.
至於二手店, 因為只有大容量機, 部機好大部, 所以價都無問.
返到屋企, 抹乾淨部機內外, 放一湯匙 High Potency Fine, 只須十秒即變成粉末, 比原裝奶粉更幼細, 開出黎既奶一樣. |