1. 一定要每日磅重及記錄, 如果越來越輕, 即代表出事喇.
2. 每日觀察大小二便形狀, 顏色, 份量. 大便應該係綠色或啡色條狀, 尿係透明清水狀, 及少量白色尿酸.
3. 餵小米粥係可以, 但一定要煮軟煮熟, 因為生小米好硬好難消化, 餵食時要注意溫度, 以免燙傷食道嗉囊.
4. 如果長期單一餵小米粥, 會營養唔均衡, 煮熟小米粥之後, 加d鸚鵡奶粉, 務求令食物營養多元化, 正如BB仔都唔可以餐餐淨餵白粥一樣, 加d益生菌更好.
5. 唔可以突然轉變食物, 要逐d逐d混和原本食物, 如果食物突然轉變, 有機會因味道不同而拒食.
6. 去雀街買定藥物看門口.
7. 長期放兜合成糧, 等隻雀無聊時, 咬黎玩咬黎食, 學食合成糧, 就算浪費都係咁話. |
發表於 2012-3-20 16:01
| 
