Louis

正常劑量 22-30mg/kg 一日2-3次
27kg體重一日應該 594-810mg 一日2-3次

如果27kg體重一日兩次 每次一粒500mg 算係叫唔夠.......
詳細原因你可以問個醫生...係咪唔夠藥量...定係呢個doseage都可以....
yimaggie 發表於 2012-4-23 03:17

22-30mg/kg 應該係 Cefadroxil 既使用劑量, Cephalexin 用 10-25mg/kg 已足夠, 所以獸醫應該冇開少劑量.
Cephalexin 與 Cefadroxil 雖然係同屬於 Cephalosporin, 但結構上有些微差別, 所以劑量亦有差別.

Louis

齋睇d針藥, 似乎係因為皮膚感染毛囊蟲或疥癬蟲, 令到皮膚痕癢, R痕時R損皮膚, 傷口再被細菌感染.
Dectomax 係杜蟲藥, 可以同時殺腸道寄生蟲及部份體外寄生蟲, 例如:毛囊蟲或疥癬蟲.
Cephalexin 係抗生素, 用黎治療皮膚細菌感染.

總括來講, 唔係乜致命疾病, 只要杜晒皮膚d蟲及治療埋細菌感染, 就會好番. 呢d病常發生於幼犬(因抵抗力弱)及流浪犬身上.
支Dectomax 杜蟲針應按照醫生指示, 返去覆診再打, 正常療程要打三至四針, 因為第一針係殺現有既蟲(殺唔到d蛋), 第二針係殺新孵出既蟲, 第三四針係再殺新孵出既蟲. 每次覆診, 醫生都會再刮皮膚樣本睇顯微鏡, 確定仲有無蟲. 如果打第三針時無蟲, 可能第四針就唔使打. 如果服藥治療期間太過痕癢, 可以問下醫生開d非類固醇止痕藥, 舒緩一下痕癢, 以免周身R損晒.
應該問埋醫生, 打dectomax 期間, 仲需唔需要用Frontline 及口服杜蟲藥及心絲蟲藥, 以免同時使用/服用太多杜蟲毒藥.

Louis

Neotopic-H Lotion 係用來外用止痕, 內含抗生素(Neomycin), 類固醇(Hydrocortisone), 及局部麻醉成份(Lignocaine), 塗抹於R損位置, 有即時止痕消炎殺菌作用, 要醫生處方先可以買.

Louis

我搵到ge Cephalexin / Cefadroxil ge doseage 都係 10-15mg/lb 22-30mg/kg for cats & dogs..
搵唔到10-25mg/kg
yimaggie 發表於 2012-4-23 10:44

視乎你查邊本書, 美國, 英國, 澳洲, 非洲既獸醫書, 藥物使用份量有時會有差別, 我查既係英國BSAVA既書.

Louis

可以直接塗傷口, 薄薄地已足夠, 唔怕lam 落肚.

Louis

狗狗條尾有傷口，有人叫我地用臭水同佢除蟲(蛆)，有冇人可以講解下呀？
louisa20047 發表於 2012-4-26 12:18

犬隻對於蟲咬無咁敏感, 好多時都唔會避開. 如果狗隻飼養在室外, 係極度容易染上因昆蟲引致既病症, 香港常見有牛蜱熱, 心絲蟲病, 食肉蛆病, 被毒蟲叮咬以致過敏腫痛等.

一種常見有金屬金色或綠色光澤既烏蠅, 就係食肉蛆蠅, 喜愛於生肉或腐肉上產卵. 幼蛆孵化後以肉為食物. 食肉蛆蠅常於狗隻訓覺時, 喜在外露傷口, 或濕潤既部位上產卵, 例如: 發炎既耳仔, 口腔, 肛門, 陰部, 眼瞼等, 幼蛆會一路向體內不停鑽食, 如不加理會, 患者會非常痕癢及痛苦, 鑽食至重要器官可以致命.

預防方法: 經常檢查上述各部位, 如有外露傷口, 可在傷口消毒塗藥半小時後, 在傷口上噴上 Frontline, 就可以防止食肉蛆蠅在傷口上產卵, 或幼蛆孵化後即被毒死.

治療方法: 將殺蛆粉或Frontline 混和消毒藥水灌洗患處, 毒殺蛆蟲, 然後將蛆蟲從患處清除, 如傷口太深, 可能需要開刀清除蛆蟲, 每日重複灌洗直至唔再見有蛆蟲於患處出現, 同時需服用止痛藥及抗生素治療感染.

Louis

消毒塗藥, 即係消毒完傷口, 搽上抗生素藥膏, 等半小時傷口吸收晒d藥膏之後, 再傷口噴上 Frontline 防烏蠅.

Frontline 即係滴頸果隻防蝨水, 有噴霧裝, 寵物店或獸醫診所有售.
Frontline 滴頸裝與噴霧裝, 分別於噴霧裝係稀釋左, 主要係俾幼貓幼犬使用, 每1kg體重, 唧四下. 所以唔適合俾中大狗用, 如果一隻金毛重32kg, 即係要唧128下, 唧完成身濕晒兼唧到手軟.
但係亦都適用於出街前噴四隻腳, 及上述既噴皮外傷口.

Louis

Frontline 覆蓋到傷口就夠, 如果傷口細, 噴一下就夠, 除非傷口好大, 就要噴多幾下覆蓋傷口.

如果你隻係bb狗, 就唔好用"奶水"(Amitraz), "奶水"就算稀釋後毒性都好強, 一般獸醫無必要都唔會用, 六個月以下既bb狗更唔會使用. 貓(或有養貓)一定唔用得.