Louis

咀部過長自己剪短到適當長度就得, 唔需要睇醫生, 唔會流血, 唔會痛.

Louis

我試過"錯"咀得太深有血出~是否我出左問題?

相對我又見過人剪咀~好深都冇流血~~所以我一直都想問~
風中飛鸚 發表於 2012-10-29 13:22

如果生得好長, 好耐都冇剪過, 就有機會微絲血管向前生長, 所以會留血, 剪過一次之後, 微絲血管就唔會向前生長, 除非又由得再生長, 好耐都唔磨或剪, 微絲血管又會再生過.

Louis

個vet都話佢個肝不正常大,叫我驗血,我問如果知道有事,有冇得醫,佢話未必可以醫得返,我冇同佢驗,佢呢幾日精神 ...
wendy2307 發表於 2012-11-11 21:57

可以嘗試餵"乳薊精華油"(Milk Thistle), 乳薊係草本藥物, 有修護肝臟作用. 市面售賣多數係藥丸, 液體精華油只有大圍獸醫有得賣, 唔知肯唔肯賣俾你.

另外以下呢間都有得賣, 不過唔知有冇零售, 可以打電話去問下. 有一點要注意, "乳薊精華油"內, 絕不可含酒精成份, 因為提煉精油方法有好多種, 其中一種係用酒精提煉.
http://www.susaasia.com/tc/milk-thistle-oil

Louis

用油, 因為藥丸成份太多, 用油每次都只係餵半滴至一滴.

Louis

回復 49# wendy2307

另外, 仲要去藥房買支 Lactulose (乳果糖)藥水, 8oz. 大約$30 支. Lactulose 一般用途係輕瀉劑, 但有另一種藥用功能, 就係幫助排出血液內其中一種蛋白質代謝廢物: 氨(俗稱: 亞摩尼亞), 從而幫助排毒, 減少肝臟工作量.

乳薊精華油 鸚鵡服用方法:
先將 5 滴乳薊精華油, 混和 7.5ml 乳果糖藥水, 製成混合藥水.
然後按照體重服用, 每 100g 體重服用 1 滴混合藥水, 可滴在食物上或直接滴入口中, 每日 2 次.
服藥期間要留意住便便有否出現肚瀉狀況及體重有否下降, 如瀉得厲害, 就要減份量至每日一次, 甚至停用.

Louis

回復 51# louisa20047

Lactulose (乳果糖)藥水, 任何藥房都會有, 一般用作小童輕瀉劑.
食左乳薊精華油, 外表及體重唔會有變化, 要驗血睇肝臟指數, 或照X光, 至知道有無效. 至於嚴重肝病患者, 可以舒緩黃疸症狀.
由於係草本藥, 可能效果會較慢, 或者要幾日甚至一星期後先會見成效.
乳薊這西方草藥, 自古以來已經用來治療肝病, 非常有療效, 市面有好多標榜保肝既西方草本保健食品, 都係以乳薊作主要成份.

Louis

乳薊精華油食多左會否有副作用, 我唔知, 網上亦查唔到有關資料, 而乳薊精華油中, 主要藥用成份: 水飛薊(Silymarin), 吸收過量都唔會造成致命的急性或慢性中毒. 但係在常識上, 任何油類, 食用份量適可而止, 就算無害, 多服亦無益.

Lactulose 乳果糖, 食多左唔會中毒, 但可致腸胃不適, 失控性肚瀉, 嚴重者可出現脫水現象, 只要停止使用, 就可慢慢回復正常. 日常食物中, 牛奶就含乳糖成份, 有d人飲完奶會瀉, 就係因為患有乳糖不耐症, 腸道缺乏足夠分解奶類乳糖既消化酵素, 導致飲奶後肚瀉.

Louis

Lactulose 只係用作輕瀉, 如果 lactulose 解決唔到便秘問題, 藥房當然有更強力瀉藥, 大笨象都會腳軟.

Louis

如果身體健康, 就無需使用 lactulose 排毒, 身體會有效地自行將廢物排出, 而且飲牛奶點都有益過飲藥水.