Louis

1. 先上腳鍊.
2. 買個矮企架.
3. 放隻雀上企架, 綁好腳鍊, 企架放地下養.

企架放地下養, 先挫其銳氣, d雀企得高, 自信心越高, 越唔聽教.
用企架養, 令隻雀習慣空間感, 令佢可以同人近距離接觸, 暫時唔好急於上手住.
等隻雀唔再自閉於籠內, 可以淡定面對人之後, 閂好門窗, 放隻雀落地, 鸚鵡落左陌生地上, 會無安全感, 利用雀仔喜歡企高尋求安全既心理, 放支棍或隻手於隻雀腳前, 自然會企上去, 之後每日反覆練習.

所以點解有d雀檔用企架養雀, 就係要隻雀唔怕人.

Louis

就算唔係野鳥, 咬過人既鸚鵡, 好多時都會變成咬人觀賞鳥, 又自閉又怕人咬人.

Louis

以上方法只適合和尚, 太陽或以上體形既鸚鵡, 愛情鳥, 彩鳳, 及雞尾並唔適合, 因為呢d細雀綁腳鍊用企架養, 好易整斷腳.

Louis

SORRY版主,借你一下場地問
下louis兄
因我都同你有類似既情況

我果隻灰鸚我都養左兩年,佢都仲係好驚人,除左我冇人可以摸佢
我一向得閒都有用手餵野比佢食,
咁我都開始放膽平時都去摸下佢
都有擺手0係佢面 ...
kkkk007 發表於 2010-6-14 15:24

你先幫隻雀剪翼, 等佢飛唔起先, 然後放隻雀落地, 放隻手或短棍於腳前, 隻雀為求安全感, 應該會企上去. 因為如果隻雀飛得起, 就會自行飛去高處, 唔會企上你手, 所以要剪翼先.

方法有好多, 每個都試下, 無話邊個一定得或唔得.

Louis

用毛巾包手試, 最多痛, 唔流血.

Louis

怕人既中大形鸚鵡, 唔用企架養, 好難馴服, 個籠係佢堡壘, 老虎蟹都唔出黎, 所以要用企架養先.

Louis

唔難, 等d貓狗圍下佢, 我就去救佢;
無飽飯食, 人人有零食, 得佢無得食, 次次望住人地食, 好快就會屈服, 之後行前等你俾野食, 用食物慢慢建立信任;
佢大叫, 陪佢叫, 俾回應佢, 呢d都係溝通一種;
放其他雀時, 開埋佢度門, 由得佢鍾意出就出, 唔出就唔出, 不過其他雀都會入佢個籠搭訕下, 如果佢同其他雀可以混熟, 就會跟隨其他雀, 容易d信任我, 我自己都觀察到d鸚鵡係會互相學習;
總之, 我自己就係俾耐性, 唔俾壓力佢, 可能因為我多雀, 我可以玩其他雀, 唔心急馴服隻新雀, 亦可能隻新雀係俾我其他鸚鵡馴服.

Louis

中形雀既腳鍊硬d, 一個人好難上, 要一個人捉, 另一個人雙手用兩支鉗上.

Louis

除左健康及外觀, 要檢查翼底羽毛, 大髀內外羽毛, 睇下有無暗中咬毛, 所有腳趾腳甲鱗片.
觀察籠內大小便, 籠底食淨乜, 籠內乜飼料, 水杯d水顏色, 如黃色可能加左藥.
撩下隻雀, 睇下對你有無興趣, 有無好奇心, 用手摸隻雀時望實對眼, 留意眼神, 小心被咬.
留意隻雀對其他人, 男人, 女人, 同細路既不同反應, 隻雀可能會特別喜歡某種人, 或特別憎某種人, 如果隻雀鍾意你, 但憎恨你老婆, 見鑊咬鑊, 養黎就無癮.
上手後玩耐d, 至少半粒鐘, 有d雀初初好乖, warm up 後會發癲咬人.

Louis

果幾隻我都留意好耐, 無耐個籠放得高, 好難令隻雀消除對人既戒心, 好難見到隻雀真正既一面, 而且成鳥好多只可做到可上手而不可擁抱, 再唔係就肉痛一次, 訂 bb 雀. 我隻金頭都係特別由 BII 訂, 黎到6星期大, 光脫脫無毛, 自己一手一腳湊大.