鸚鵡同海鮮一樣, 唔同時間季節, 唔同來源, 就算相差一星期, 價錢已經可以相差一大截. 例如新到步既進口寵物, 環境改變, 水土不服令抵抗力下降而染病, 一星期後死10~20%, 係常見事情, 外行人見到自然覺得驚訝, 以為傳染病爆發, 胡亂猜測發佈流言; 內行人見怪不怪, 所以剛到步數量多時往往會大平賣. 每年都會見雀街有好多亞力山大及細達摩BB, 但可以成功養大就寥寥可數.
繁殖場為維持收入, 非繁殖季節時, 會從其他國家進口鸚鵡售賣, 所以在同一繁殖場同一個品種鸚鵡而有兩個價錢不足為奇, 兩者成本唔同, 售價自然唔同, 本地繁殖成本一定貴過進口, 所以買既時候一定要問清楚.
買家自己亦都要花多d時間, 行多d, 睇多d, 自己作比較分析, 網上言論只可作為參考, 要親自所聽所見為事實, 唔好托朋友幫你揀雀; 鸚鵡好聰明, 識得揀人欺負, 一個老手揀雀, 懾於氣勢隻雀會表現好乖, 但去到個手震震既新手, 隻雀可以咬到個新手爆晒缸.
一隻平一千咬到流晒血, 一隻貴一千純如羔羊, 買家就要自問有無能力及時間去馴化隻野獸, 定係俾多一千當係買心機時間?
所以就算價錢公開, 都只能作參考, 要見到實物再自行判斷. |
發表於 2012-2-27 14:13
|