Louis

係要視符飼養者經驗, 觀察入微, 隨機應變, 仲要有優良安全舒適飼養環境, 時間, 資金, 用品, 藥品要充裕.
一次過餵養幾隻, 成功機會大好多.
1. 可以互相取暖, 互相學習, 互相競爭, 增強求生意志.
2. 飼養者可以同時作出觀察比較, 增加經驗.

Louis

大部份亞歷b都係野生雀, 就算係大陸人工繁殖, 亦唔會落本餵合成糧及鸚鵡奶粉,  所以d亞歷b根本唔會識食奶, 亦唔肯食奶, 可能因為味道唔同或食唔慣, 所以食物要作多方面嘗試, 粥, 麥皮, 玉粟粥. 好多都係餓死多過病死.

你會見雀街檔檔都係用玉粟浸水為雀b, 鸚鵡父母都要反芻半消化食物餵幼鳥, 所以玉粟對幼鸚根本係好難消化, 如果隻b體格強健, 消化力夠, 就無咁易餓死, 如果消化力唔夠, 就因消化不良而引致嗉囊炎, 然後活活餓死.

Louis

1. 下星期日天氣好差~只得兩點有陽光~不過全日都咁差~兩點有丁多陽光都冇乜用~都去唔到邊~最衰6點時候仲有大雨~9點仲行雷~
大部份都好差, 2點位置果隻健康d, 6點位置果隻好差, 9點位置果隻就瓜, 整體隻隻都唔健康, 得一隻健康都無用, 遲d都可能病.

2. 下星期日大多天氣晴朗~可惜12點同10點都有雨~都影響全日心情~
大部份都健康, 12點同10點位置兩隻有病, 有機會傳染俾其他.

3. 下星期日陽光普照~只要避開6點有陣過雲雨就得啦~
全部都健康, 除左6點位置果隻差d.

Louis

我d雀每日天光三點半就大叫, 我就大約四五點鐘起身, 清潔,餵雀,餵貓,淋花, 然後七點出門口返工, 通常每晚九點半十點就上床訓覺. 因為星期一要返工, 所以星期日多數晌屋企洗野, 整屋企d野, 唔會出街.

Louis

上星期見燕記有, 果陣時剛剛送到, 隱約見到係大隻綠色B, 但唔肯定係亞歷定係細達摩.