tangpf0809

恭喜晒！揾番隻雀！

[ 本帖最後由 tangpf0809 於 2008-6-15 16:35 編輯 ]

tangpf0809

原帖由 BB仔 於 2008-6-15 13:11 發表
2143

依家諗返起件事真係好似發咗場夢咁:

果日3點幾我地成家人已經訓矖，咁啱我老豆起身去完廁所準備返入房之際聽到拍翼聲，於是咪走去睇下咩事，就發現到摩摩唔見咗(我睇過個扣係鎖住個架度仲扣住兩圈腳鍊)，之後我老豆叫醒我地起身，於是我地成家人披頭散髮，個個(雀)住睡衣攞住電筒、雨傘落街揾(諗返都幾癲)。

我地重點係揾留下的草叢因為我地幫佢剪咗翼預計佢都會高飛，又嘗試照附近的樹因為我地住6樓對出種咗D樹如果佢滑翔飛的話都有可能到到，不過當時太黑好難照到樹上，我地由落雨揾到停雨，天黑揾到天曚光都仍然未揾到，
咁樣我諗都唔係辦法於是我準備要貼啓事及POST 上網(P.S.在此感謝我另一姐姐6 點比我叫醒POST摩摩的相到各鸚鵡網)

因為我當日又唔可以請假，希望借助其他人的力量去揾，個日我拿拿林上樓5點幾上打啓事及換完衫，(我媽咪、老豆及姐姐仍在樓下揾)7點我再落街準備揾多一個鐘再返工，再將啓事交到管理處，就咁我、姐姐同媽咪一直揾，差不多7:45我媽正吹速我要返工而我們正商量如再找不到，她們下晝出雀街貼下啓事或睇下會唔會有人捉咗摩摩攞佢出去賣。

就在呢個時候我媽咪見到對面馬路有隻雀仔飛落路中牌，我媽咪立即大叫:摩摩呀!之後我即立轉頭望對面馬路，其實我當時乜野都睇唔到，只係意識地過馬路不停咁望，終於比我發現佢找住馬路邊的欄杆中，我立即雙手捉佢，佢當時好驚不過冇反抗，感覺佢兩隻腳仔都好軟冇乜力度。但佢返到屋企都定返好多。琴日開始講返野及回復返本來的性格。

在此希望所有走失愛雀的主人可快D搵佢地的愛雀，只要唔要放棄，一定有機會揾到的。

感謝樓下管理員的幫忙及各網友的關心!謝謝