尋找失蹤大白

BuddyY

大家好。
一直以來只是在討論區瀏覽，從未發言，因為不習慣發言。

不過今次無事不登三寶殿，要請大家幫忙，事緣我隻大白Buddy昨早日在西貢菠蘿輋家的天台飛走，飛入附近的叢林，我見到牠在附近樹頂上略過，飛奔到叢林邊找牠，間中聽到牠的叫聲，好像越來越遙遠，叫牠又沒反應，結果無功而回。最後一次聽到牠的一聲叫聲是下午3時，今早希望牠如常在早上狂叫，可惜粒聲都無。而家唔知牠飛去其他區，還是被人捕獲，還是餓到無聲出。好擔心！

我已經致電SPCA及政府1823熱線備案。現在希望透過討論區，發散消息，如果好彩有人發現Buddy的蹤影，請通知我。

多謝各位！
Buddy媽

BuddyY

試過讓我家黑頭羅利在露臺叫牠，無反應。

而家去派街招。

多謝各位發散消息。

BuddyY

已把牠的家放在天台，希望牠見到。不過牠仲有多條翼毛未生番，飛行高度有限，我們家較高，可能返唔到上來。可做的已做，唯有希望牠吉人天相，平平安安啦。心痛。

多謝廣告四方西貢友好。

BuddyY

如果卡住唔郁得或者受傷受驚佢應該會叫到拆天。聽唔到佢把聲至得人驚。真諷刺，未試過咁想聽佢把聲。

最後見過佢的叢林，位置比天台低好多，驚擺籠同食物都見唔到。唯有希望佢餓過頭去搵人救，好心人會送佢去 spca 或動物管理中心。

傍晚佢平時食飯時間，會再去樹林附近再搵，不過樹林咁大，又入唔到去中間， 又聽唔到佢把聲，都唔知點搵好。就算佢靜靜地等我救佢，都無計。希望佢發揮大白的智慧，識執生啦。

BuddyY

16# 林林仔

好耐前剪過幾條翼毛，已經生番八八九九。平時好少比佢飛，唔知原來可以飛咁遠。

BuddyY

好多謝各位雀友關心和鼓勵。

昨晚傍晚牠回家附近，但過門不入，在家附近的大樹上跳來跳去，狀甚興奮，比牠喜歡的食物引牠都唔返，用牠最鍾意蝦個隻狗引牠又唔返，結果入黑後在樹上棲息。今早又飛走左去玩，重聽到佢的叫聲。希望牠識路，得閒返來探我地，無野食識返來揾我地。

問各位意見，由得佢在附近樹林生活可行嗎？唔可行又有mut計？

BuddyY

多謝各位關心。我未放棄，不過唔敢奢望。自從前日朝聽過佢把聲之後，就無聲氣，有鄰居話見佢飛左去落山方向，好可能佢已經唔認得路返黎。我每日將另外兩隻鸚鵡放係露臺叫佢，不過都聽唔到佢答嘴。西貢咁多樹木，搵唔到路返都唔奇。而家唯有望天打掛，希望佢吉鸚天相，唔好餓親啦。

BuddyY

唔知係米太掛住拔仔，昨早在西貢運動場等車時好似聽到佢叫左一聲，跟住又無聲。如果有人在西貢碼頭附近聽到鸚鵡叫聲，請通知聲，我再搵。
唔該。

BuddyY

打風啦!出便風大雨大，佢點算？

BuddyY

有次行香港公園　同埋前排係樹樹呢度見到某位雀友既相
市區都有唔少大白　周圍飛　
相信因為佢地聰明　先會生存度

祝福　！
MandyYung 發表於 2012-8-18 01:49

我都係咁安慰自己，大白的確生命力強，就算佢返唔到屋企，都望佢係外面搵到食，或者搵到主好人家。

BuddyY

昨晚我出街後拔仔返過來屋企對面棵大樹，手舞足蹈一輪，報過平安後又走左。

好安慰佢：
1 認得路返來
2 出左去兩個禮拜都未餓死
3 打完大風都無事

我估佢試過咁自由唔會再願意入籠，以後會周圍放啲雀糧，佢無野食就可以返來，由得佢去。以後大家來西貢玩，可能除了見到放養黃牛之外，又會見到放養大白呢個新景點。

多謝雀友一路支持和鼓勵。

BuddyY

昨晚我出街後拔仔返過來屋企對面棵大樹，手舞足蹈一輪，報過平安後又走左。

好安慰佢：
1 認得路返來
2 出左去兩個禮拜都未餓死
3 大完大風都無事

我估佢試過咁自由唔會再願意入籠，以後會周圍放啲雀糧，佢無野食就可以返來，由得佢去。以後大家來西貢玩，可能除了見到放養黃牛之外，又會見到放養大白呢個新景點。

多謝雀友一路支持和鼓勵。

BuddyY

76# scylam


冇腳鏈，得個腳扣，應該ok.