新手救助~5個月大灰鸚肚瀉

Dvc

肚瀉咗第三日，體重由375g跌到351g,昨日買了HK333加電解粉服用，今早見佢有番精神以為有好轉冇帶佢睇獸醫，但收工見佢冇精神又唔肯食嘢，藥就死都唔食。怕太遲睇會有事，明早想帶去睇獸醫，請問大圍定荃灣間好啲，遠近冇問題，需要指明某醫生嗎？

Dvc

養了一個月，食開prettybird合成糧加生果糧，但以前試過餵奶粉，試少少就以後都唔食（無論用凍或熱水開，稀或成糊狀，由星期六開始肚瀉又唔多肯食嘢，但都肯食至愛嘅瓜子同新鮮粟米，冇特別嘢食過，便便帶黃水。昨日出雀街買咗harrison糧比佢試都唔食，本想問雀街大圍嗰間好唔好，但問咗兩間都話荃灣平啲同救番機會大啲，大圍就一味叫人做化驗，最後買咗啲藥囉。

今晚就連粟米瓜子都唔食，試萍果又ok，但怕食多重痾。体重跌幾多先算嚴重？怕睇完都唔食嘢又唔食藥未冇用？

Dvc

冷親或局親係未啲便便都好似腸炎咁肚瀉架？

Dvc

多謝咁多位前輩相助，我都買咗啲白色葡萄糖粉開水佢飲，但今日手餵都唔飲，淨水又飲，唔知應該落幾多份量呢？啲便便似第三張不過每次得一小條黑色。

Dvc

啲資料好有用，唔該晒！其實點先係脫水呢，我覺得佢個樣今日好似好乾，塊面明顯消瘦，飬鸚鵡真係多學問

Dvc

今早又跌到342g，又係唔肯食嘢，磨碎咗吐番出嚟，大圍休星期二，師兄話銅鑼灣嗰間又搬，荃灣嗰間又冇人提過，求期搵間睇應該點都好過自己段估掛。

Dvc

今日玩足一日,剛回家. 多謝師兄提点去銅鑼灣,一早打去約要下午先有得睇,見大圍可以早啲睇便約了大圍,但Dr. Tiger full 咗, Nicole又24号至番, 為有照睇. 聞名不如見面, 主診医生問完幾廿條9唔搭8嘅問題後,講完一輪亞媽係女人嘅見意後 (嗰籠最好有佢間房咁大,因太細影響心裡會都會痾 etc...), 要我一定要驗血, 大便, x-ray同驗PBFD. 又一定要留院 (每日連餵食,診金,住院要大約$1200), 我問有冇需要做咁多嘢,可否打針另佢有番体力同脫水問題先, 佢話唔得一定要驗. 因肝病或PBFD都會有机會便便咁樣, 有cert話negative都冇用. 淨驗PBFD都$1500, 我話驗完positive又如何?有得医咩?佢就話可以唔驗住. 但其他一定要,我最後選只付診金走人, 佢重話我隻灰鸚好嚴重,隨時幾分鐘都涯唔到.

轉頭飛車去銅鑼灣, Dr.  James似很年輕, 但好專業, 排除好多机會細嘅原因,如肝病或心裡因素,因5个月肝病少啲, 佢話先灌飲10ml葡萄水再抽便便驗, 之後再打咗支針,因便便有菌. 再教我反屋企点樣灌葡萄水同糊仔佢食(因自己唔食又唔飲), 又幫我灌定少少recovery糧佢食, 我問都冇問收費幾錢, 因覺得佢專業同值. 最後埋單唔駛$1500 (巳連包Harrison Recovery $130 和 金屬灌喉$180).

番到屋企佢以經精神晒同會自己係籠食嘢, 希望今晚灌到佢飲埋啲藥啦,如果唔係要帶番比佢餵.

原來葡萄糖水啲鸚鵡吸收咁快, 30分鍾就有番体力!!

Dvc

多謝大家關心，其實大圍環境唔錯，個主診要有化驗報告再對症下藥亦冇話唔啱，但如有經驗的話，唔需要報告都應該可以排除好多可能性才幫到件事，唔通我哋自己咳都吓吓要攞口水樣本去化驗先決定用咩咳水咩。主診個名以經唔記得了，連張單我都等唔切就趕住走。

Dvc

唉，真係灌唔到佢食藥，幸好自己肯食嘢，明天要帶佢番去daycare。

Dvc

今早返工前帶咗灰鸚返銅鑼彎daycare, 收工去pickup番，順便再實習點餵，今日體重升番到360g，便便有改善。但Dr. James 今日偷望佢見佢好倦，但一見到人就扮精神，攞咗啲小便樣本檢驗，發覺有血絲（肉眼睇唔到的，要化驗先睇到），擔心輕質尿道炎，重質PBFD。佢話最好抽血驗，不過可以過兩日先，反正啲藥都要食多兩日，血液報告都冇咁快出到。唉，如果真係中咗BFD, 可以點做呢？

Dvc

[quote][/quote]
主席，有咩資料需要公開呀？真值得介紹比其他人。我飬狗都超過二十年，最後嗰隻都剛走了，如果唔係都會帶比佢哋睇。

Dvc

我係鸚x店買咗一個月，但有証書話negative喎，如果驗血知係未可以唔需要專登驗PBFD呀？中咗係未要人道...？一般中咗挨到幾耐？