cylailai

現今的辦公室文化，好多世仇都係咁黎架﹗我公司咪係咁囉，電話講完無人認數，出電郵一樣可以當你無到，只要唔答就乜事都無，一答咗你係小心之後會死於非命。
其中 BCC 係最毒一招，通常係射比老細專用的黑箭。不過短片中漏了一位最狠毒的人仕 - 監察系統﹗當一些小爭議大家都唔上沉出水面比老細知道時 (通常雙方都有錯，互相推缷時)，往往會有一位(或一班)自命不凡的正義人物出來伸張正義，將你地所有來往電郵通通轉寄比老細知道，然後下場往往會係 "齊齊過堂"、"一鑊熟"。而且雙方都以為係對方 BCC 比老細，怎知道幕後黑手竟然另有其人，咁先叫做高招﹗
不過我覺得 E-mail 戰場的起源應該係鬼佬公司帶起，反而純中國人的公司比較少咁樣喎…