cylailai

400# BoBoBoBo

你對灰鸚真係好可愛﹗關於報紙問題，我諗你會道高一尺、魔高一丈，以下係我親身體驗：

話說大小姐都好喜歡做碎紙機，尤其是佢唔小心跌咗啲好食的零食落報紙度時，佢一定會落去執返黎食，順便咬埋張報紙去玩，樂此不疲。由於太唔衛生，所以我千方百計唔比佢咬到報紙。我見佢每次都係擒係個籠側邊度，倒吊咁用個咀去咬報紙/執報紙上的食物 (佢好唔鐘意踩落鐵絲網度)，咁我就將成個鐵絲網吊高離籠底 2 寸，諗住佢個咀無咁長可以咬到啦。點知個夜返屋企時發現，張報紙比佢咬得仲勁過平日。

我當時唔明點解吊高咗個籠底佢仲可以咬到報紙，明明佢個咀無可能伸到咁長架﹗跟住我就試下做個實驗，將粒花生直接掉落籠底報紙上，然後企埋一邊睇下佢點做。結果…  佢竟然行落去個鐵絲網上面 (平時佢係絕對唔肯落去架﹗)，跟住仲長隻腳落去抓粒花生上黎食，食完之後繼續用腳抓張報紙上黎玩﹗﹗真係太過份喇，比佢吹脹﹗﹗

之後我試過幾個唔同方法都無佢符，最後只好妥協。點知有日我返工前唔記得換報紙，我媽咪好心幫佢換，但佢唔知到下面個格可以拉出黎，就直接開門揭起塊鐵絲網攞走張爛報紙，之後直接將張新報紙放係鐵絲網上面。

好啦﹗今次成張報紙放係上面，佢完全唔洗出力就可以咬爛晒啦﹗今次張報紙仲有得剩？點知，個答案出乎我所料，你哋估下？

cylailai

402# BoBoBoBo

呵呵，大小姐都識揭起個鐵網，不過揭前面有水杯同糧杯頂住，佢揭唔高。揭後面佢可以揭到好高同戟係籠邊到，然後半隻雀 "捐" 落籠底開工碎紙。不過根據目擊證人證供顯示，某次佢成隻損落去玩時唔小心撞到塊網，跟住塊網跌返落去夾實咗佢，佢嚇到大叫 (好似人劏雞咁叫) 不停掙扎，無奈都係夾咗係籠底。最後由娘親大人出動幫佢脫身先走得甩。這次事故其實係好輕微，塊網由90度拍落去佢身上其實好細力，根本都唔痛。如果佢冷靜啲應該可以自行脫困，不過事出突然嚇到佢傻咗，所以先要人救之麻。其實整個情況都搞笑下 (可惜我無親眼睇到)，而因為這件事件大小姐得到了一次教訓，就係籠底個鐵網唔可以亂玩，自此以後佢都無再嘗試揭高塊網了，這個結果真係可喜可賀，果然細路仔係要"打"過先知驚，不過就未知日後會唔會 "好了傷疤忘了痛" 囉…

cylailai

大小姐可能唔會落去咬,因為沒難度,又唔使伸長個咀又唔使用隻腳抓,佢覺得唔好玩,所以唔咬
YEEYEE 發表於 2010-5-31 20:33

哈哈﹗你估中咗﹗張報紙放係上面佢就完全無興趣，掂都唔掂一下 (果然無難度或無人阻止的玩兒，佢會覺得好無引？)，我而家安樂晒囉~  (可惜啲 LB 同彩鳳無佢咁反叛，激將法係無用的，任何報紙都可以碎一大驚。)

不過佢依然有咬紙癮，任何接受佢咬力範圍的紙張佢都會拉入籠入面玩，不過而家就對籠底啲報紙無興趣了。因為佢一直以來都唔鐘意踩落籠底，所以我都唔洗擔心佢中踩 CC 的問題。

cylailai

四奶奶，咪賣關子啦! 你都見佢哋籠外面d紙係就咁鋪係面，籠裡面個d就會被佢哋:
1) 拖個托盤出少少，然後扯d報紙出呢
2) 好似相片咁，用個咀咀隔綱撕出呢
3) 倒吊自己，咬起個隔綱，仲識"浪"起佢，成 ...
BoBoBoBo 發表於 2010-5-31 20:18

差啲唔記得講，我其實想話比你知灰鸚係對任何可以 "玩" 的東西好奇，不過問題係佢地未必鐘意你比佢的玩具，反而鐘意自行開發新玩意，通常你越叫佢唔好玩的東西 (例如報紙) 佢越要玩，而且有一定難度的玩意 (例如要拉個盤出黎先咬到、要倒吊先咬到等) 仲係佢地最愛添﹗尤其是 "實Q 哥哥" 咁聰明，又要做個榜樣出來比晴晴睇，佢當然會揀啲高難度玩意黎玩啦﹗所以，你不防試下用啲有難度的玩具黎引開佢地主意力 (例如係佢面前拉盒裝紙巾，之後扮唔覺意留低盒紙巾係佢房？)，咁總好個佢咬報紙咬到成咀都係油墨，聽講話報紙油墨極實好毒下，所以我通常用雜誌或廣告紙代替報紙，起碼感覺上無咁污糟？

cylailai

其實個 sensor 有咩用途？點解會比佢地發現到？

cylailai

原意係騖佢哋有意外跌落地板 , 所以我們安装個 sensor 對住個地板.
當兩個魔怪由高處撲落地板 , 個 sensor 會 detect 倒 並即時經電線 signal 房 ...
JoeLee 發表於 2010-6-3 20:47

明白晒，你真係用心良苦。
不過你怕唔怕佢地食咗啲電子零件落肚？

cylailai

見到寶寶食糧個斯文樣，真係又乖又聰明，仲識同主人慳返啲糧添~ 真係要叫大小姐學下人地先至得﹗
其實我有個問題想問好耐喇，大小姐的食物係種子糧+合成糧各一半，佢唔太偏食瓜子、花生，兩樣都會食。但係每次見佢食合成糧，我都有個疑惑，佢到底係食緊粒糧定玩緊粒糧？因為佢通常成粒糧含在口中，然後半抬高頭咁好大力咬粒糧，根主粒糧通常會有半粒飛咗出去，剩返個半粒就會繼續咬，然後又有好多粉碎係佢個咀到跌出黎，跟住佢又會抬高個頭，好係要將啲糧倒入喉龍咁，所以我真係唔太清楚咁樣到係係咪食呢？不過如果佢攞粒糧去浸水就通常係食，因為真係見佢用腳仔攞住黎食，但食到一半又會掉咗佢，攞過第二粒黎食…
我其實唔係好明點解要浸軟粒糧先至食，平時見佢食粟米乾時咪又係咬到 "啪、啪"聲？開杏仁就唔見佢會嫌麻煩？明明更加硬的食物都可以咬爆了，點解啲普通餅乾咁的糧反而需要浸軟先食？真係奇怪…

cylailai

你有無試過同佢地講野時，佢會識得同你對答？其實我估咗好耐，到底我地同佢講啲野佢地會明白到幾多呢？

前幾日我見大小姐好夜都未瞓，仲係到自言自語，就去同佢蓋埋條布，跟住同佢講： "好夜喇，瞓覺啦，咪玩喇。"，點知佢即刻答我 "仲早呀﹗"，跟住係到怪叫+奸笑+倒吊係籠頂，擺明話我聽佢唔想瞓覺。

我真係分唔清楚佢係真係識答我，定係咁啱湊巧佢講的說話可以同我個問題對得上？有時坐係佢面前發呆，佢都會應一句 "你煩咩架？"，都幾好笑架。不過同佢換糧換水就永遠只會答我 "係咪打你呀﹗"，仲要係細細聲果種，都唔知好嬲定好笑…

cylailai

有名你叫~大小姐
BoBoBoBo 發表於 2010-6-8 15:27

你講得啱呀﹗標準答案﹗﹗而且仲會咬人添﹗﹗﹗

養灰鸚係好好玩，不過要睇下到底係你玩佢定佢玩你了~  而且咁有性格的雀仔，真係隨時可能全屋人都唔跟，個個都咬﹗有時都會比佢地較到無晒心機，所以養之前一定要三思，停一停、諗一諗先。

大小姐的成名絕招有二招：
1)  回馬咀  -  當佢反轉成個雀頭比人模下巴時，就算模得佢好 enjoy，enjoy 到瞇晒眼都好，佢分分鐘都會無啦啦黎一下回馬咀，當場咬到標血，防不勝防…  (但係唔果唔模佢會發爛咋，踢晒啲糧出黎…)
2)  扮上手  -  叫大小姐上手係要提防佢係真上定假上，真上的話會用個咀借力打側邊上手 (好奇怪佢從來唔會由正面上手)，假的話就…  先伸起隻腳扮要企上黎，然後用爪抓實你隻手之後拖埋去咬﹗呢招可謂非常之陰濕下…

唔知寶寶同晴晴又有無咩壞習慣呢？

cylailai

alex 有31歲命，算勁!
比我呢2個31年命，應該勁過alex ，佢地拜你為師呀 Cozzy SIR!
BoBoBoBo 發表於 2010-6-8 17:03

Alex 係你上一隻灰鸚？

cylailai

Alex係舉世知名嘅鸚鵡. 係哈佛大學 Dr. Irene Pepperberg 用這隻灰鸚鵡好來研究雀鳥嘅思考能力. Alex未在之前, 科學家認為鸚鵡係識得模仿人類說話 (i.e. minic), 但冇 intelligent 去明白和運用人類 ...
JoeLee 發表於 2010-6-8 19:29

原來係咁，唔該晒﹗

cylailai

Alex 好出名ga! 上Youtube睇，好多佢既videos
BoBoBoBo 發表於 2010-6-8 18:36

即刻去搵搵先﹗Thanks !!

cylailai

我隻青bb同大小姐一樣咁奸，我老婆喂佢食杏仁，約4粒後就炸炸帝咬食指仲要唔放，隻手指好似鈎魚甘。不過是釣鸚鵡，係痛到流眼淚呀~~~
yokojune 發表於 2010-6-9 01:14

係呀﹗唔知點解佢地鐘意食食下變咗食手指餅，真係縮都縮唔切…
呢個故事教訓我，凡事都要識可而止，比得太多好野佢未必會感動，反而會唔識珍惜，果然係物以罕為貴…

cylailai

我e家好似d LB咁，但唔係怕手，係怕咀咀!
d 鸚鵡主人話隻鸚鵡任模、好乖、唔咬人，我都驚驚!
晴晴回家幾個月都唔係比我掂 ，但佢又比Daddy任掂
有日佢Daddy教我:"佢咬得好輕力 ...
BoBoBoBo 發表於 2010-6-9 07:38

我好肯定佢地識得分人黎咬，某啲唔得罪的人物係會咬細力啲，某啲容易蝦的人會咬大力啲﹗

cylailai

你可以用眼神制敵!!!佢一開口就用一個好惡的眼"bea"佢
Cozzy 發表於 2010-6-9 09:06

未必有用架，要睇佢受唔受你個套先得…

我試過用眼神、用言氣、大聲話佢、兇佢、唔理佢鎖佢返入籠等等方法 (就係未試過打佢…) 都無用，反而比佢鬧返轉頭話我曳、曳、曳曳曳曳；打、打、打打打打打打…

大小姐最叻就係駁咀駁舌，罵戰最強﹗

cylailai

果然有難度..............................
令人又愛又恨
Cozzy 發表於 2010-6-9 11:05

有機會的話比你試下軍訓下佢，太過嬌生慣養的少爺/小姐是應該送去黃埔軍校吃吃苦的…

cylailai

Cozzy軍校

令Cozzy中毒，只愛灰鸚
BoBoBoBo 發表於 2010-6-9 11:53

我大小姐同班彩鳳好friend下架，見親班彩鳳都會當佢地係電話咁 "喂"，佢地飛埋去大小姐個籠度時大小姐仲會講："喂喂喂，作反呀？"，所以佢地一定可以做到同學仔﹗

cylailai

基本上99%都唔咬人, 不過間中會揀人咬
carolee 發表於 2010-6-9 21:28

葵花類的出廠 OS 是 "親善友好程式"，外觀是天使造型的白色 ；
灰鸚類的出廠 OS 是 "混賬搗蛋程式"，外觀是XX造型的灰色 …

cylailai

據Joelee分拆，晴晴對我既個"問好"方式就真特別~~~直頭係一隻想撲過呢狠狠地咬人既惡犬咁wow 好彩晴晴仍細，喜怒均形於色，我要自保，就要睇佢面色做人
BoBoBoBo 發表於 2010-6-10 10:57

咁寶寶會唔會咬你？或者好聽你話？

cylailai

仲有佢地都怕惡人!!!!真係好似人架!!!!
Cozzy 發表於 2010-6-10 12:16

灰鸚其實好細膽，不過佢地識分你係真係兇緊佢定係嚇下佢…