cylailai

我比較好奇，主席你點捉到佢架？定係佢自已飛黎你到上你手？

cylailai

咁多人唔見灰鸚呀…  睇黎年中真係走失唔少隻鸚鵡喎…
不過我好難想像一個陌生人如何捉到隻灰鸚，因為灰鸚真係好神經質，飛咗出街已經嚇餐死，仲點會肯比陌生人接近呢？而且單睇外表灰鸚都幾惡下，如果路邊有隻灰鸚行黎行去，叫我去捉佢我真係唔敢，分分鐘比佢咬死… (因為已深切體會到，灰鸚只得一個主人的事實)
幾年前曾經在一個落雨天，見到一隻好大隻的灰鴿 (係白鴿，唔係鸚鵡) 在馬路中心行黎行去，跟住轉紅燈後啲車行得仲快，又唔見隻雀有飛走，我咪企係度睇定啲先。等到轉綠燈時發現隻雀仲係馬路中心，施施然咁行黎行去。當時我心諗隻灰鴿可能受咗傷，無辦法飛，如果繼續係馬路度行，好可能會比車車死。所以我趁住綠燈未完走咗去路中心追隻鴿，想將佢捉返去行人路先算。點知隻灰鴿博命走黎走去，跑比我追。然後由轉填紅燈，攪到我差啲比車撞，仲有途人開始圍觀 (好彩當時手機欇錄未普及，唔係肯定上硬 youtube…)
結果擾讓咗幾分鐘先捉到隻灰鴿，雖然比啲司機親切咁問候咗幾聲，總算都平安無事帶走咗隻灰鴿。之後將佢檢查咗一編，竟然係完全無受傷？對腳好好力，將我對手抓到見血，對翼更加好力，一拍眼鏡都比佢掃跌，帶去公園之後諗住放生佢，點知佢又企係地上唔郁，結果無奈之下帶咗返屋企養。

cylailai

唔通… 佢鎖住咁大把鎖都飛得起嗎？
唔係嘛… 我仲諗住轉個企架，求其搵條繩綁住我隻灰鸚，等佢可以日頭四圍走動下。但係如果咁大把鎖都吊得起，咁會唔會成過企架都拖走架？
同埋我發現，我隻灰鸚唔係點飛，佢會企係籠頂狂拍翼，但唔會飛。起初我以為佢唔識飛，仲好放心成日比佢自己企係露台玩 (佢好討厭入籠，更加討厭帶腳鏈)，後來有次佢唔知點解無啦啦狂追我阿哥對波鞋，發現追唔上時係地上起發，一野飛出廰外攔係度大門前面唔比人走時，我地先發現原來佢識飛，仲飛得好叻﹗不過佢不日反而好少好少飛，拍翼就多…