cylailai

其實，買咗返黎，真係驗到有病的話，就算對方退錢換個隻比你又有何用？ PBFD 係無得醫，不過唔一定會死，只要主人好好比心機養佢，佢一樣可以好好長大。退返比鋪頭，只係直接將佢送死，何苦呢？

無論你在何處購入你的寶寶，在考慮驗身之前，請先多放 120% 注意在牠身上，每天按時磅重、留意食量及便便狀況，唔好因為睇起上黎好活潑而唔為意，因為鸚鵡粉飾太平扮無野的本領太高，等你發覺唔掂時已經太遲了﹗

任何鸚鵡在未成年前的身體都會較弱，因為手養鳥始終沒有母鳥的口水去加強免疫力，如果唔小心留意住佢地，就算唔係 PBFD 都一樣會有其他病，傷風感冒對人類係小事，但對幼鳥就可能係好大件事。加上過去幾個月天氣真係特別凍，對怕凍的灰鸚而言更是一大打擊，所以除咗衛生問題外，保暖亦都好重要架。由幼鳥養起雖然會較乖巧，但相對風險其實很高，請小心多加留意。

無論如何，在此祝願大家的寶寶都健康活潑、快高長大吧﹗