鸚鵡社會化教育問題

winsonsks

Hello小弟養咗隻塞內加爾鸚鵡仔仔，依家過左一歲半多d，唔係特別痴人，但係就同我比較親近，即係我可以上手反嚟反去，摸佢胳肋底嗰啲佢都唔會攻擊我，但係有時我阿媽同女朋友接佢佢就會咬佢哋，我都有小小煩惱唔係好識點教比佢聽唔好咬人，因為每次No完佢，放返佢出黎一陣出嚟佢又好似都唔記得咗。
      另外就係佢同其他雀仔相處，我覺得佢唔係好識，因為我平時有帶佢返公司，我同事就有養一隻女月輪係放喺籠一齊養，細細個第1次見到，我嗰隻就興奮到個嘴係咁開合開合咁，係咁行緊去想接觸， 不過我同事嗰隻就好驚，跟住到最後依家相處耐左，會放喺一個籠，耐唔耐就會打下交，然後我哋就馬上去制止佢地。好似畀我感覺係一時就隻女月輪佔上風蝦到我隻雀完全唔敢上去上面既桿，一時就我隻雀追住佢追到佢不停跑嚟跑去。佢哋大大話相處我諗都有1年，其實係咪應該係冇可能可以親近相處，例如互相理毛。

winsonsks

同埋自從我隻雀畀隻女月輪咬過腳趾之後，佢就學咗呢一招，成日用返呢一朝對付返個女月輪。依家我個朋友去旅行寄宿咗一隻金太陽喺我屋企， 我懷疑我隻雀覺得打交先係正常，而家見到佢第一時間都係作細想咬人腳趾或者攻擊人。唔好話放係一個籠到，係放風都唔可以一齊放。

winsonsks

因為有時我都會想佢可以好似雀友既雀咁，有啲佢既雀仔朋友。 依家佢完全同其他雀相處唔到

winsonsks

搞到我都唔敢買多隻陪佢。 因為雖然我都成日放佢出嚟玩同陪佢，但一諗到佢有成三四十年命我又唔想佢得我一個，想幫佢搵返個老婆

風中飛鸚

你的煩惱~要用時間去解決~因為初回家時~就要用你手段令他知道怎樣配合你~代表初回家是比較易教~

winsonsks

回復 5# 風中飛鸚


收到，我在努力同佢夾下