我同妳一樣交咗比爸爸處理,而佢亦係放咗入垃圾箱.我仲好記得當日返緊工收到爸爸來電,我發夢都估唔到呢個電話係傳嚟壞消息~1對活潑健康嘅L.B同時有啲唔妥,更估唔到佢收綫後＋幾分鐘,佢再次來電,話其中之一走咗.我本來打算一開工就立即告假趕返屋企(當時係午飯時間),點知十分鐘後電話又再响起,我成個人震晒,因為我知到另1隻都走咗.而我當時叫佢對L.B留番比我處理.
返到屋企當我開門見到地上有兩個盒,我第1時間做嘅並唔係去睇對L.B(屍體)而係冲涼,因為我知自己控制唔到啲眼淚,又唔想爸爸媽媽睇到,於是我就一路冲涼一路喊,直至認為喊夠先出嚟.之後做足心理準備去面對唔想但一定要面對嘅事實.當我打開第1個盒見到費沙仕,眼淚就好似排洪一樣流出,再打開第2個盒見到桃面,我立即放聲大哭,喊到好大聲(除咗細個我從未試過咁喊),仲對住佢講:點解你唔等我返嚟?點解你唔比我見最後1面?爸爸媽媽坐喺我後面不停安慰我,但係我當時真係停唔到,最後佢哋話比啲鄰居聽到誤會就麻煩我先強忍收聲.之後我將對L.B生前鐘意嘅食物同玩具放晒入盒再用紙包起佢哋準備送走,爸爸怕我喺出面又再喊所以叫我交比佢,而我亦怕控制唔到情緒就由佢幫我送走對L.B.第2日心情平復咗就問爸爸,先知佢將對L.B放咗入垃圾箱,可惜為時而晚.
本來我唔會亦唔想再講件事比人知,不過見妳咁自責,想比妳知唔止妳1個人將深愛嘅L.B放入垃圾箱,希望妳唔好咁自責.
另外我認為應該幫灰藍揾個新朋友,始終L.B唔係獨居嘅雀. |
發表於 2011-1-24 17:41
| 
你搜尋返我個帖..我埋係樹下..
嚇我一跳..好彩係識得的...
師兄你d家人肯定唔會比你咁做
節哀