PARROT-TREE » 鸚鵡討論區 » 急!求救!灰鸚流血!

返回列表發帖

Rank: 1

1^# 跳轉到 » 倒序看帖

字體大小: tT

發表於 2014-4-29 11:40 | 只看該作者

急!求救!灰鸚流血!

本帖最後由 micmic 於 2014-4-29 11:41 編輯

琴晚9點幾由房飛出廳時跌了落地, 之後個咀係度滴血, 滴左5滴停左, 當時冇影相,因為實在太驚佢自己都呆左好耐唔肯返屋企係度飛
安慰完佢就放番入籠等佢休息驚左三個鐘冇郁冇叫
今朝岩岩10點幾佢已經有叫,屎正常
但係好似仲好痛唔想食野!!!有嘗試食栗米蓉同蘋果蓉,但食食下都唔想食,我再睇下,見到D蓉仲有DD血,原來仲未止到
請問我宜家可以點做?洗唔洗睇醫生?
佢係咁自己用條脷lam個咀,又用腳甲撩
我應該用咩野止血?同點餵佢食野?
多謝!!!

琴晚

今朝

Rank: 1

2^#

發表於 2014-4-29 11:48 | 只看該作者

佢係條脷定咀(硬)流血呀? 我隻大白試過玩玩具咬爆膠致條脷流血, 之後用Harrison+暖水開糊仔餵佢食幾日! 之後自然好番!

Rank: 1

3^#

發表於 2014-4-29 12:00 | 只看該作者

其實我都唔知係條脷定個咀(硬)流血,我睇唔到條脷有損,或個咀(硬)有裂痕
淨係可以肯定係佢既右邊似係個咀(硬)內部位流血
請問我可以用什麼同佢止血,消毒?

樹樹管理員

Rank: 9 Rank: 9 Rank: 9

4^#

發表於 2014-4-29 13:23 | 只看該作者

因為見唔到咀內傷口位置, 實際難以確實處理, 如果想消毒, 可用針筒抽生理鹽水, 唧去估計傷口位置消毒, 每日四次.

至於傷口留血問題, 如在咀外部, 可以用醫療超能膠, 將裂紋黐住.
但由於在咀內, 無野可以做, 唯有等咀部不斷向前生長至自行痊癒; 就像我們指甲受傷後, 只有止血消毒, 等指甲向前生長痊癒一樣.

Rank: 1

5^#

發表於 2014-4-29 15:25 | 只看該作者

我之前的的橫斑比一只愛情鳥, 咬爆左個咀, 成個啄冇左, 一只橫斑,啄流到成面血, 食不到野,
仲咬到隻腳, 雖冇斷, 但滴左10 幾滴血在棒上同地下.... 果時我們以為佢一定死..
果時佢係全啄受傷, 食不到野, 果時我們日日比香蕉蕉蓉比佢..同用生理鹽水沖一沖傷口...
幸好兩個星期後佢好番左. 成個啄出反, 冇事!!!

祝佢您的寶寶早日康復!!!!

果時我都係立即向樹友求救,
當時都係樹友們教我點處理 ! 多謝大家!

家有金頭凱克米米王子及甜哈公主~
另有細彩鳳亞蕊

在彩虹橋上有雞尾-大雞皇(12歲),寶寶(4歲),比比豬(3歲,飛走),橫斑SuperB(4歲),亞歷山大B-綠豆小B(9日),四隻大種彩鳯,三隻文鳥

Rank: 1

6^#

發表於 2014-4-29 17:03 | 只看該作者

因為見唔到咀內傷口位置, 實際難以確實處理, 如果想消毒, 可用針筒抽生理鹽水, 唧去估計傷口位置消毒, 每日 ...
Louis 發表於 2014-4-29 13:23

請問什麼是醫療超能膠？想買嚟看門口。

Rank: 1

7^#

發表於 2014-4-29 20:40 | 只看該作者

我之前的的橫斑比一只愛情鳥, 咬爆左個咀, 成個啄冇左, 一只橫斑,啄流到成面血, 食不到野,
仲咬到隻腳, ...
fongfongclara 發表於 2014-4-29 15:25

想請問你份量係幾多呀?
我頭先試左好多野食有RB糧磨粉糊仔,栗米蓉,合桃碎,紅莓乾佢全部都唔係好食反而整左香蕉蓉食得比較多
頭先餵左半隻蕉會唔會太多?我驚過量會唔好, 但呢個係宜家暫時唯一肯食既野, 所以想知份量同一日最多可以幾多餐? 三餐都係香蕉?
thanks

Rank: 1

8^#

發表於 2014-4-29 20:45 | 只看該作者

因為見唔到咀內傷口位置, 實際難以確實處理, 如果想消毒, 可用針筒抽生理鹽水, 唧去估計傷口位置消毒, 每日 ...
Louis 發表於 2014-4-29 13:23

佢成日用隻腳甲撩個咀同條脷頂個咀(硬), 我怕有影響個傷口, 由得佢定要帶頭套?
佢到宜家都唔敢周圍爬同用咀接觸任何野, 好似好怕整到個咀痛咁
洗唔洗帶佢睇醫生食止痛藥? 定好快會冇咁痛? 見到佢咁我都唔知點好

樹樹管理員

Rank: 9 Rank: 9 Rank: 9

9^#

發表於 2014-4-29 21:20 | 只看該作者

請問什麼是醫療超能膠？想買嚟看門口。
photobag 發表於 2014-4-29 17:03

這超能膠包裝及氣味與AA超能膠相同, 但其溶劑並非工業溶劑, 而是對人體無害或產生過敏的溶劑, 一般使用於無法縫針的小型皮外傷口(例如: 夾爆指甲, 關節位置/經常活動位置皮膚等), 傷口上的"膠水焦"會隨傷口痊癒而新陳代謝自行脫落. 一般藥房無得賣, 要向醫療手術用品公司訂購.

樹樹管理員

Rank: 9 Rank: 9 Rank: 9

10^#

發表於 2014-4-29 21:21 | 只看該作者

佢成日用隻腳甲撩個咀同條脷頂個咀(硬), 我怕有影響個傷口, 由得佢定要帶頭套?
佢到宜家都唔敢 ...
micmic 發表於 2014-4-29 20:45

一般撞傷咀, 兩三日後就唔痛.

Rank: 1

11^#

發表於 2014-4-29 22:01 | 只看該作者

回復 7# micmic

我的橫斑好細粒豬,果時佢一餓就食,食起碼1cmX1Cm的蕉,但佢食飽就唔食咖啦! 食左成兩星期!不過我知蕉蕉唔可以食得多,你不如磨果蓉mix比佢食,另外同埋學樹友咁講HarriSon整糊仔佢,整不同野多些比你的灰B食,至緊要佢有食野!
情況無好轉都是找醫生哦!

Rank: 1

12^#

發表於 2014-4-29 22:11 | 只看該作者

Harrison + 木瓜蓉 + 暖水

Rank: 1

13^#

發表於 2014-4-30 00:42 | 只看該作者

我之前隻灰鸚都試過嘴流血，幾日後無事，不過我那次明顯係最尖的位置撞爆左