數一數, 我自己曾經醫好或改善過十幾隻年幼咬毛鸚鵡, 全部都係咬毛年期未夠一年, 可以分享一下自己治療經驗及其他朋友經驗.
1. 食物營養. 有鸚鵡從100%種子糧, 慢慢轉成餵生果糧 + Harrison lifetime + Harrison Power Treats, 就無再咬毛.
2. 過敏症或某種營養缺乏. 食物中添加亞麻子/亞麻子油, Sunshine Factor, 咬毛情況大大改善.
3. 雀籠位置, 高低, 大小. 有幾隻雀只係換個大籠及放高, 就咬毛咬少, 甚至戒除了.
4. 令隻雀唔悶. 除放玩具及更換玩具之外, 我屋企有養貓狗及多隻鸚鵡, 貓狗於屋內自由行, 仲成日會訓去雀籠頂或旁邊, 隻咬毛雀日常無聊時會望住d貓狗雀, 學人地玩, 學人地講野,仲學識掉糧出籠去餵狗, 半年後就無再咬毛.
5. 大水兜解決換毛期身痕咬毛, 任隻雀日日去玩水玩到夠.
6. 膽小極容易精神緊張; 用抗敏止痕藥物治療, 同時利用該藥渴睡副作用, 改善咬毛問題.
7. 隨便放任大叫; 有隻雀自從主人俾人投訴隻雀嘈, 用籠布或黑房方法禁叫後, 就開始咬毛, 主人決心將書房再裝修成一間隔音房, 隻雀入住回復可以正常大叫後, 就無再咬毛.
總結一下,
要及早確定是否生理病因, 儘早治療. 唔好靠估, 一味話係心理病, 免得養成咬毛習慣
有d雀唔可以受抑壓, 要順其本能, 任由大叫, 任由玩水, 個籠要夠高夠大夠空間.
食物要多樣化, 遇上過敏症, 可嘗試用食療或藥物醫治.
分散其注意力, 與玩伴玩好過獨自玩玩具, 同時可減少依賴主人. |
發表於 2013-5-8 17:17
| 
發表於 2013-5-9 10:25
| 