本帖最後由 MandyYung 於 2012-2-11 02:19 編輯
之前有次去ｘｘ店 同個店員傾過下計 話ｄ吸蜜玩時就好high 玩玩下就發花癲 同我家既吸蜜都無咩分別
我就係怕晚晚放佢出黎 整慣佢 所以有時放 有時唔放 出親黎 １０至１５分鐘度 就比佢入番籠食野 因為玩玩下佢就要食野同飲水 如果無比佢返入去 佢好多時會突然發癲 大叫同起勢係咁飛 之前就係咁 佢唔小心ｄ爪勾到張３Ｍ地毯 個次佢又心急 我幫佢時被佢咬到好西利 結果另一半忍痛被佢咬整番佢Ｄ爪出黎 自始我地如果放佢出黎 都上晒腳鏈 同埋搵報紙舖晒Ｄ地毯
有時見佢狀態好 就會玩多陣 但都係max. 20分鐘好了 有出過黎個日 佢心情都真係好ｄ 好多時都係清潔個籠時 一個負責清潔 另一個就負責同佢玩
唔知樓主或者其他養吸蜜既雀友 你地既吸蜜有無摸頭仔既習慣 自從有次偶然再試試話同佢摸頭仔無反應 但咁啱見佢自己鬆起ｄ毛係度整理時 借機摸下佢ｄ毛 從此感覺關係唔同左 close 過以前 因為願意比人’咬’痕 （咬 唔識寫個正字 見諒）
而家每日返屋企 又或者朝早見面時 我洗左手話要摸頭仔 初初好似無咩反應 但耐心ｄ 佢會搵個頭黎撞我隻手指 被我幫佢 ’咬’下痕 有時重會將個頭左轉右轉 好過隱同得意  而家呢個就變左打招呼動作咁 ’咬’兩下 佢有時會好冧咁輕咬番我既手指 發出ｄ好嬌嗲既聲音 見到佢開心 我都好冧呀
食飯既時候有時又唔鐘意被人忽略佢 要成個籠搬係我地隔離 先唔嘈 近來先發覺佢識扮人地’咳咳 ’ 攪笑呀 佢最嘈個陣 就係係個籠度玩波波 一玩波係度嘈 另一半就會話：世界盃又開鑼  打左好多 越講越停唔到口tim 
見到有ｄ網友話去左旅行 隻雀生氣嫐左主人 唉 ！ 我諗如果真係去左旅行 Barbie 一定嫐硬我 個日佢聽到電話個把聲唔係另一半 居然唔係好似平時咁叫 ∼Barbie 乖乖 而係 曳曳 
唔記得講 平時同佢玩 我都會就住玩 因為一玩high 左佢就唔多識就力 會不知不覺咬得我大力左  |
發表於 2012-2-10 11:09
| 
