鳳梨小太陽有出世紙大約幾錢?

gwensoo

前幾日在灣仔鸚x店見到2隻鳳梨小太陽同好幾隻黃邊小太陽困在同一個籠. 我放手指撩佢地, 隻隻都唔怕人, 圍埋來咬我. 黃邊咬人太大力, 唔考慮, 鳳梨咬人好細力好溫柔, 好想買.

店員話佢地係菲律賓入口, 有出世紙, 開價 3千大洋. 想請教各位價錢會唔會太貴?  事關我唔太知價, 但我有個朋友半個月前係雀街買咗隻剛戒奶肉桂小太陽只需900, 好健康好得意. 所以我覺得灣仔有d開天殺價, 搞到我心大心細唔知買唔買好.

macbrush

雀同搵老婆一樣，鐘意既幾多錢禮金你都會比，唔鐘意既貼埋大床比你都唔要啦。鐘意既盡量講吓價囉，無計…

woodteak

只有買錯，永無買貴的

gwensoo

之但係, 妹姐果度三星期前有隻手養但未戒奶黃邊小太陽, 都係開價1800, 宜家要 3000買隻非手養鳥, 我真係覺得有少少貴.

風中飛鸚

你唔好心急~先買到合心意~養鸚鵡最好玩就係未買之前~與剛買之間~好好享受呢個過程~唔好咁快渡過~

gwensoo

回復 5# 風中飛鸚


咁又係, 我都係忽然衝動想買啫, 過一陣諗返, 其實又覺得自己真係唔多適合養太陽, 事關我好怕嘈, 更怕隻太陽返咗屋企之後上唔到手好驚人, 更更怕佢會恰我隻雞尾仔甚至咬傷佢.

算啦, 我都係養多隻雞尾好過. 之前想養太陽, 大部份原因都係想幫屋企隻雞尾仔搵個伴.

風中飛鸚

我90年代~養過一隻雞尾十年~都係單獨一隻養~從未剪翼~從冇困籠~完全自由~在家放養~我用左個普通鐵籠底部裝佢D屎~籠身拆晒~做左間屋仔俾佢~佢就一直住在間屋~冇門~自由出入~打開晒窗~
十年冇走過~去左朋友家一晚~就飛走左~

gwensoo

回復 7# 風中飛鸚


我隻雞尾係妹姐度買, 第一晚返到屋企放佢出籠, 佢竟然一d都唔怕生, 直接上我膞頭. 我之前養雀科, 全部唔上得手, 所以第一次養隻可以上手的鸚鵡, 感覺...太美好啦.

尋日第二次第雞尾落公園晒太陽, 佢真係好細膽, 見到有人接近佢都會嚇到飛落地(剪咗翼飛唔上天), 所以我諗我會 keep 住同佢剪翼, 唔想突然意外唔見咗佢.

ap_nail

細膽雀不單出街要剪翼，要帶腳鍊會好d,因佢地剪左翼都能飛一段短程，怕唔知在咩地方俾人嚇一嚇出危險

gwensoo

回復 9# ap_nail


我隻雞尾只識墜地....對翼似乎剪得好深, 完全飛唔起.