kinsun2k

上2個月, 我準備左4萬蚊,  諗著去bii買隻紅金.....上到去有個呀伯sell緊客

我見到有幾隻紅金bb ,就問下佢d bb 幾多個月, 自問自己都好有禮貌,等果呀伯答完果客我先開口問,
果呀伯聽完我問之後答左我一句, 之後佢又繼續同跟著果客,原全唔理我....
我明白要做生意, 我之後都冇再出聲,自己睇下先......
跟著果客冇同佢買野就走左....我心諗:好野, 可以講下價,又可以吹下水....

我第一句問: e加d 紅金幾錢?
呀伯就話: 3萬8,之後8折
我: e, 唔係2萬幾ja 咩?
呀伯: 幾年前就係 (態度好差咁答)

我睇到佢咁既態度, 我都算.....因為一向都知呢度d人串串地

我: e, 呢隻係唔係黃藍金鋼..
呀伯: 呢隻係混金....
我: 哦...幾錢到
呀伯: 5萬8, 8折
我: 8折之後幾錢?
呀伯: 你有冇5萬先?! ((態度超級臭串)
我: 下, 你咁樣做生意ga?
呀伯: 唔好話5萬, 3萬有冇先?!
我: 就算我有都唔同你買啦, 你咁既態度!

果呀伯同我講完野, 仲要係度奸笑...我真係呢世人第一次見到呢d 咁誇張又樣衰既呀伯!

我一定唔會再去幫佢地買任何一件野!!

風中飛鸚

請留意~如果我以下得罪業內人士~俾人斬死~大家幫我報仇呀~~~~~

懇請業界賢達注意~本人的/朋友/網友/陌生朋友上網追問~不下數百次~都直指某店舖員工態度極惡劣~
以下是個別人士心聲~千真萬確~如有老作~背脊有殼

個案1:
a君:飛鸚呀~!我想買隻黑頭凱克~四維搵唔到~
我答:你有冇錢呀~四維都有~你上去旺角必有~我剛剛有朋友見到~
a君:我點都唔會幫襯~
我答:為什麼呀?如果你唔方便上去~我找人幫你上去買囉~
a君:我死都唔要果間d雀~態度極差~睇唔起我~

個案2
b君:我買左包糧有問題~番去問仲俾人黑面~
我答:最後有冇換俾你?
b君:有丫~
我答:有咪得囉~仲想點丫~要擺兩圍和頭酒咩~
b君:當然唔係啦~態度惡劣~好似同佢乞咁~總之我唔會再幫襯~

個案3至950
c至z君:我上去問隻鸚鵡幾錢~態度好似睇人唔起~極之黑人憎~

個案951本人
當時我在埸~大家細心欣賞~
有個亞婆上去睇野~(我心諗!今次有野睇~亞婆囉黎衰啦~哈哈哈~)
亞婆問:果兩隻是什麼鸚鵡?
(我心諗~睇點玩你先~哈哈)
店員非常有禮貌(曲身去到90度咁濟)答:果兩隻叫xxxx鸚鵡
亞婆:識講野嗎?
店員四萬咁口答:好精令架~識講野~將來個身仲會轉得好靚顏色~
亞婆:幾錢丫~
(e下我諗~仲唔死亞婆~企定呀~唔好嚇到跌落地~)
店員極有禮貌~拿起計數機答:你要折實8萬~
(我正想睇亞婆點落台)
亞婆:我要兩隻~同我入箱~

自此以後我明白~唔係態度有問題~係睇人架咋~
我只有一句評語~(狗眼看人低)

不過我又要幫那店澄清一點~每日運吉人數又係好多~好多人問完即走~
或者指隻紅金~嘩~!我以為3幾百元咋~
由朝到黑之下~又好難令人態度唔變~

風中飛鸚

所以我介紹大家一個方法~
1唔好撻鸚鵡樹個朵~死硬~
2先表明知道價錢~例如:我想問問現在紅金大約幾錢一隻~我有心買架~
3我想問~我3萬元可以買到什麼品種鸚鵡?
個頭開得好~跟住就容易講啦~
(不過我們已經忘記自己是消費者了)

LEELO

變左好似求佢賣比你咁. . . .

風中飛鸚

做生意串得過我真係唔多架~

lam_ot

佢地咁寸仲有人幫襯?
有咩咁巴閉?