雞尾鸚鵡點解只係痾黃唔見蛋殼???

le_bellmode

之前一兩年無生蛋,自從放左間屋仔入籠後
我隻雞尾鸚鵡開始生蛋,第一粒蛋算正常size
第二三粒既size開始細左,第四粒就有黃無蛋殼,
我地無親眼見佢痾黃,只係發現唔見蛋殼

1.係咪拎走間屋就唔會繼續生蛋?
2.如果我以後都唔俾屋佢,佢唔生蛋既話會否塞住係身體裡面而有問題??
3.會否蛋殼係鸚鵡身體裡面,還是佢自己食左??
4.蛋size愈黎愈細,係咪唔夠營養?要俾咩營養佢?

小草妹

蛋殼 , 其實 90 %以上都係鈣質 , 由鸚鵡身體儲備提供 , 如果只係有蛋黃無殼 , 一係隻蛋係生出前未完成develop 好 , 一係身體唔夠鈣質 , 而呢 2 樣都唔係好野黎架啦 , 都代表身體自己調節出現問題
首先 . 鳥兒依照不同的體型 , 壽命長短 , 會有不同時間的成熟期 . 當牠們踏入了成熟期
牠們身體就很自然會有信號要去尋找伴侶 , 繼而繁殖 , 雀女很自然身體就會開始製造鳥蛋
很多人都以為 , 生蛋前後就該大量補充鈣和營養 , 其實這是錯誤的
會造成卡蛋和身體營養大量流失這兩個問題 , 正正就是因為過量進補
生蛋前後 最切忌的就是補乜補乜 ,
雀媽會依照自然身體嘅營養 , 鈣儲備去決定 製造多少隻蛋 ,
你愈是瘋狂的提供補品  , 牠們就會不停地愈生愈多  這才是真正的傷身 !

春天係雀會鳥嘅繁殖季 , 佢地依照日照時間開始長 , 天氣開始暖 ( 有足夠食物供養幼鳥 ) 就會生蛋
當你拎走間屋 , 配合上放暗光位置 , 佢地係唔會生蛋
唔生蛋嘅意思係身體根本俉會製造鳥蛋  而無鳥蛋 當然不會塞住係身體
鳥蛋塞住係身體係叫卡蛋 , 係應該生蛋但出唔到排泄孔 ,
通常係唔夠鈣質 (鈣質有幫助肌肉活動嘅作用 , 當唔夠鈣質 , 肌肉活動不良 , 就會唔夠力生唔出 )
或者係隻蛋太大 , 生唔到 , 呢d時候都一定要搵獸醫幫忙

而以你隻鸚鵡情況 , 其實應該先令佢停止生蛋  然後先補 , 等營養係比身體吸收而唔係分配去隻蛋度

小草妹

http://theconurehandbook.blogspot.hk/2013/02/hatched.html
我用呢隻補鈣
這和添加水中的鈣水有何不同了吧

對於人工合成的鈣質補充劑 , 為了效果快和明顯 , 廠商一般會使用最易被鸚鵡身體吸收的配方 . 對於有逼切性的個案 (如鸚鵡長期被疏忽照顧) *但一般情況都應該先就醫 , 由獸醫斷症開藥
否則在正常情況中 , 正所謂物極必反 , 自己長期使用鈣質補充劑不當 , 不單只不能幫助鸚鵡的健康 , 更有可能" 補過頭 " , 令身體鈣質過剩 , 損害健康 !
這隻蛋殼粉由天然蛋殼經消毒過程後打碎而成 , 鸚鵡會自己按身體需要自由選擇攝取的份量

le_bellmode

回復 3# 小草妹


   謝謝你

風中飛鸚

1.係咪拎走間屋就唔會繼續生蛋?
會繼續生
2.如果我以後都唔俾屋佢,佢唔生蛋既話會否塞住係身體裡面而有問題??
唔會~
3.會否蛋殼係鸚鵡身體裡面,還是佢自己食左??
唔知~
4.蛋size愈黎愈細,係咪唔夠營養?要俾咩營養佢?
越來越細是正常~可以補鈣

wongleung

多謝分享，我都對補有所誤解。多謝小草妹。

小草妹

多謝分享，我都對補有所誤解。多謝小草妹。
wongleung 發表於 2014-1-30 21:23

客氣了 , 大家都係從錯誤中學習
以前我都有誤解 , 以為一生就要補 , 其實愈補隻蛋就愈大隻 ,
根本唔係比身體吸收 , 而且隻蛋愈大隻就增加卡蛋嘅危險
咁當然啦 , 好似我隻女咁 , 日夜照顧隻蛋唔肯食野 , 本來正常一隻鸚鵡有伴侶照顧其實問題不大
但我個女本身個底非常非常差 花了三年時間先處理好但仲係偏瘦 , 又唔肯食野  
所以我會選擇同佢補餐暖食 , 不過宜家拎走屋仔 , 年半都再無生過蛋  希望一直 keep住

風中飛鸚

我隻LB將蛋儲起~過年清理佢巢箱~有廿幾粒蛋~粒粒都差不多大~我從來都冇俾其他補充食物~