求救!!荔枝角海麗邨走失小達摩(女仔)!!

idyyanyan

今日大概下午2點3，4個字我們走失一隻女仔小達摩，佢叫篤篤/Dok dok
其實今日好似如常帶佢落樓下曬太陽，個寵開左一道門，平時最多係行街寵頂行來行去，從來都未飛走過，今日上一左寵頂3分鐘都無，就飛走左，仲要一直線飛到好遠，平時係屋企都飛唔得高同遠，最多飛短距離就墜落。其實果刻見到佢飛，已經即刻追，追到屋苑圍欄前，就無左影蹤。而圍欄後係一些綠色植物，有樹有葉有草，面積範圍頗大，此位置以後是一條公路，公路過後則是另一個充滿綠色植物的地方。
大致可見下圖。
重點係今日已尋找超過4小時，仍未有影蹤，實在是十分擔心，希望大家幫手將資訊傳開去，幫我地搵返篤篤，篤篤已經係我朋友由細養到大，平時好錫佢，同佢有好深厚的感情，對佢都好重要，今日係我帶佢曬大陽，疏忽先會比佢飛走，我應該唔好打開到寵門，總之希望大家幫下手。

篤篤特徵
無腳繩同腳環，識上手，識講篤篤，吓，媽媽*質*，篤篤仔*質*，你好嗎
識同媽媽錫錫
搵到有酬！！拜托大家！！

發達鳥

剛替您把失鳥消息在 鸚鵡樹官方FACEBOOK 網站 post 了. 希望可以盡快把篤篤尋回.

風中飛鸚

我曾經對過無數人講~鸚鵡要鎖好~剪左翼一樣照飛~
答案永遠都係:平時係屋企都飛唔得高同遠，最多飛短距離就墜落
這無數的人~我都同佢講~飛走左想捉番就好難~在家飛唔起~唔代表在街飛唔起~一架747客機~在機倉一定飛唔起~唔洗鎖~出到跑道就飛得起~

idyyanyan

剛替您把失鳥消息在 鸚鵡樹官方FACEBOOK 網站 post 了. 希望可以盡快把篤篤尋回.
發達鳥 發表於 2015-7-29 01:33

十分感謝你，希望有多D人留意，發現佢

idyyanyan

我曾經對過無數人講~鸚鵡要鎖好~剪左翼一樣照飛~
答案永遠都係:平時係屋企都飛唔得高同遠，最多飛短距離就 ...
風中飛鸚 發表於 2015-7-29 10:14

你講得十分無錯，係我地無好好注意，現在已後悔莫及，只希望用盡所有方法尋回愛雀，但求主席幫忙，感激不盡！！

發達鳥

可嘗試貼尋鳥街招

風中飛鸚

你講得十分無錯，係我地無好好注意，現在已後悔莫及，只希望用盡所有方法尋回愛雀，但求主席幫忙，感激 ...
idyyanyan 發表於 2015-7-30 00:45

尋鳥有如大海撈針~早上未天光係一個好時機~你現在只有貼街招~留電話~廣傳開去等多d人知~