你同你地鸚鵡相會既故事

真正

我成日都覺得，
自己同豆豆既相會係有一種「安排」係入面，
不如大家都講下你地點樣同你地既鸚鵡相會呀﹗﹗
我好鐘意聽架﹗

Cozzy

1# 真正
你快D講左你個古事先LA

真正

其實我好細過有養彩鳯仔，果時自己細，但已經好鐘意雀仔，不過果時養左10對左右，全部都死於非命，我屋企人無注意到家居安全，有d慘死腳下，有d跌落渠、有d病死、有d比貓捉左、有d飛走左~總之我果時以為彩鳯好短命~對上一次養彩鳯仔，係養豆豆一年前既事，都係係一個落雨天氣下係街執到~但佢死果時既情況，我呢世都記得，我發現對雀仔黎講，對佢地好既人，原來佢地真係到死都記得~

之後我屋企人已經將個籠拋左，因為我媽媽超超超超反對養雀，因為佢好怕d毛，我一路都已經打消左念頭無諗住再養，雖然好想養。我都諗住自己結婚自立(嫁得出的話)先會再養~!

但有一日，我係灣仔做完野走果時，出黎唔覺得經過一間鸚x店。我見到果度有好多鸚鵡，門口放既起碼有六隻玫瑰葵花(當時當然唔知係咩黎啦~)只係企係度望左一陣，就中左計。

我可以形容果一下係「刹那之間既對望」，(好似好低能咁，我真係有呢個感覺)，豆豆望住我，然後停左佢做緊既野，我仲好記得佢個籠係係我眼睛水平視線高度，然後佢係條磨瓜棍上跳落黎。行過黎我面前望住我，我想望下佢側面係點既，所以將個頭側左去右邊，佢好似學我咁，側左去佢既右邊，然後我地玩左好多次側左側右~

我愛上左佢~~~~~~~~~

我想睇下佢幾多錢~(一直唔敢入呢d舖頭)~無價錢，但豆豆就係籠既另一邊跟過黎，又望住我，我行返出去，佢又跟，行返入黎佢又跟，終於忍唔住，問左個價，我呆左~佢話拎出黎比我睇下~我都話唔洗先~我真係呢世女未試過買咁既價錢既野~(對上一次最貴係手提電腦，佢係部電腦兩倍價錢~)出到黎滴哂汗~望多佢一陣~(下呢呢句好低b)~我眼濕濕~因為好想同佢係埋一齊~

返去諗住會死左條心，點知返到屋企開電腦就search粉胸鳯頭，咩都無咁濟~唔死心search英文名~又多野睇到唔知點睇，揾左好耐~終於揾到鸚鵡樹~睇完~每日都諗住佢~夜晚都心思思~五日之後，都係乖乖地帶定錢去~諗住睇下點~

今次去到，豆豆掛住食野唔理我，我係舖頭同其他玫瑰葵花玩，一隻咬到我痛到死、一隻被人train到勁乖但又無咩感覺、兩隻好驚我、有隻等左好耐先理我~30分鐘後佢仲食緊~諗住走~點知佢就係個糧兜抬起頭望住我~然後又跳落黎~對住我左腳右腳咁跳舞~又跟住我兩邊籠走~

之後，就跟我返左屋企~

真正

2# Cozzy

唉，好累，到你。

小草妹

睇得出真正你打得好累

師兄快 D 打~ (clymcm字)

Cozzy

2# Cozzy

唉，好累，到你。
真正 發表於 2011-5-2 11:01

LOK GOD....
未有之前留左電話D雀店,入左一隻佢地CALL左去睇.....
買果時全香港有一隻3歲以下的CAPE.....
一見到買左....
V仔妹妹大眼仔買果時寫過唔寫LA

Cozzy

師妹,你都寫下LA

小草妹

你師妹隻手好唔得閒掛住食蛋糕 , 等我呢個師妹妹寫住先
我細細個媽咪朋友送我一條藍頭羽毛 , 之後同屋企人一直想養 , 但可惜舊屋細無咩位
直到年幾兩年前搬完屋就上黎望下 , 見到家姐Nike 個頭側得好過癮同Hellowin隻靚靚Hello好鬼靚就好想養 ... 但該時其實妄想緊自己可以養返隻大黃金 ...
之後因為你師妹係咁勁擺佢自己d相上黎睇完之後嚇到我走 ... 半年幾前帶住陰影咁上返黎 , 無幾耐就決定養雞尾
點知去到能叔果度見到隻搞笑太陽同條尾同我玩水 , 稔jo一日就拎佢返屋企 , 成為我個大女Happy

波波

我的故事是...不能說的秘密
有相c未呀真正.....

ngkare

真正, 你除咗係真正好人, 仲係真正有心人, 段文字gum長, 未睇先感動!
我而家搏殺緊, 唔得閒打我和rolex的故事, 第日見到面再講你聽!

真正

10# ngkare

字多~只係因為我打字唔算慢~又唔代表D咩~
只係我好鐘意聽故仔~

真正

勁擺佢自己d相上黎睇完之後嚇到我走 ..
小草妹 發表於 2011-5-2 11:34

呢句需要解話﹗

真正

9# 波波
我影得小皓好得意架~
但我無過相器~

mavisweet

我同ENVY仔既相遇無你咁奇妙,不過都可以分享下~

話說差不多兩年前,我男朋友想養鸚鵡,就成日去雀街同灣仔"蒲"~
第一次見到玫瑰葵花就已經同男朋友講:"哩隻雀好靚呀~我要養哩隻~"

事隔大半年,我正值失業,男朋友見我悶悶地,又諗起我話過中意GALAH,
就帶左我落鋪頭揀,當時鋪頭有3隻GALAH,兩隻仔一隻女,
因為聽講仔乖D同異性相吸,所以店員拎左兩隻仔放上企架比我揀~
一隻好惡一直霸住個糧兜係咁食,
一隻就比人蝦過唔到去食野~我見佢咁可憐,心諗佢應該會乖D~
所以最後男朋友就送左比人蝦個隻比我...佢就係ENVY啦~

養鳥新丁

飛鸚快d入黎分享同當奴相會既故事

波波

甘你平時影完5過電腦ge???==
真正甘我今晚sd d 相比你同我post la唯有..

真正

14# mavisweet

根據咁既定律，
蝦蝦霸霸果d應該比較難賣得出d~
因為係我我都會選隻比人蝦~haha~

jennymok

响2003年爸爸的朋友因"沙士"想放飛4隻雞尾，我地知道放飛佢地一定死，因會被麻鷹捉或唔識揾野食，所以我地要咗。(其中一隻唔小心响2006年比佢飛走咗，一隻上年病死咗)
之後我隻太陽响2004年飛黎！因互動多咗就對鸚鵡發生與趣，所以成日去灣仔睇鸚鵡。睇得多自然又想買，第二隻想買玫瑰葵花，點知幾個月都無貨，有一次見到隻黃頸金剛(約6月大)，覺得佢好得意，每次見佢，個頭不停向前搖同BB叫，所以諗咗3星期就買咗喇。買既時候又無leg佢出嚟玩過，返到屋企後，全家都比佢咬爆手。
隔咗一年又心思思想買隻識講野的鸚鵡，於是揾咗個借口"母親節禮物"又買咗隻藍頭亞馬遜。以前買鸚鵡無諗過佢地咁長命又無做research，覺得得意就買，到而家都養咗8年，加上有2隻開始咬毛，先至發覺養寵物係一件一生承諾的事，唔係只係比佢住同食。就好似照顧小朋友一樣，BB時要喂鸚鵡奶粉，大D要教佢地食糧、上手、上厠所(唔可以周度呵)。每日要安排早、晚餐、小食、生果、下午茶，去旅行一家人要輪流，每日每星期的清潔....而家我地仲後生，將來我地老咗，揾邊個照顧佢地呢！(一直都擔心) 所以我有朋友想養，我都叫佢停一停、諗一諗，因為呢個係一個幾＋年的commitment，佢地一生中只有我們一個依靠，也是唯一的依靠!

zero322

我戈時第一次飬咁貴既寵物
本身識個朋友佢有隻中葵比我...點知比人捷足先登
咁只好去雀街買 跟住本黎諗住買迷你金 點知林X記有灰鸚BB
戈時有一隻仔一隻女
有一隻就眼仔66 但係亂咬人
另一隻就好文靜 跟住重上我手 又比我摸 我一走就叫
咁好明顯一定買戈隻文靜啦 但係戈隻係女仔 個老闆話女仔講野好差
我呀媽戈時都叫我講野買就買男仔啦
咁我唔理
就買左小櫻
返到黎重係BB仔一隻 要餵奶 但係好乖好聽話 個個比摸
到而家全日講野 係講野 冇叫過
由當初識得講HALLO到而家朱古力好食 你好 A FOR APPLE B FOR BOY ....等
好開心 當正佢係我個女架啦

jennymok

19# zero322
我隻藍頭亞馬遜都係女，佢都係好叻講野，好似佢叫"媽咪、家姐"，如無人應佢，佢會大叫"聽唔聽到呀!"直至有人應佢為止。平時工人幫佢換籠、換水，佢會叫工人個名，之後話佢(工人)"靚女"，所以個工人好鐘意同佢玩!!