雞尾咀好長, 會唔會有問題.

scyau

家里有隻雞尾, 咀比其他長好多.

正常圖一:


正常圖二:


有問題之雞尾圖一:


有問題之雞尾圖二:


有沒有鸚友試過有此問題. 我可以點樣去處理, 有見過網上叫人用指甲剪先整短個咀, 再用(錯) 整好. 唔知可唔可以講多D. 同要注意那些事情.

Louis

因為用指甲剪只可剪平個咀, 要用針銼磨返正常咀部弧形或勾形.

louisa20047

小心留意血管位

Grinny

又真系几长~~~

louisa20047

1# scyau

有冇俾野佢磨咀呀?

scyau

佢同其他雞尾都系有樹枝, 磨爪棒, 食物都系一樣. 不過呢隻唔多去咬野. 我都無辦法.

scyau

因為用指甲剪只可剪平個咀, 要用針銼磨返正常咀部弧形或勾形.
Louis 發表於 2012-1-30 13:38

系唔系一定要用銼磨返正常咀部弧形, 因為沒法麻醉, 人手好難整. 可以在食物那里迫它去磨咀嗎 ?

scyau

而家比瓜子都放唔入口, 問多句, 如果只系剪短少少, 個咀會有少少平, 會有什麼影響. 它會自己去磨返尖嗎 ?

Daddy

系唔系一定要用銼磨返正常咀部弧形, 因為沒法麻醉, 人手好難整. 可以在食物那里迫它去磨咀嗎 ?
scyau 發表於 2012-1-30 14:14

食石頭 磨咀

Louis

如果一直唔理, 雞尾呢類細雀個咀長到某程度, 就有機會撞斷, 但撞斷之後會有機會左右唔平均(打斜斷), 之後會變成交叉咀; 所以就算撞斷之後, 都最好用銼磨成左右對稱.
隻雀唔肯咬硬野係隻雀既性格, 好難改. 你先留意下隻雀食完濕野(例如: 水果或糊仔), 個咀污糟之後會唔會用企棍磨乾淨個咀(正常大多數雀都會)? 如果會, 你就買枝 Polly 石磨爪棍, 因為膠企棍軟, 磨唔到咀, 石磨爪棍就可以磨到咀.

scyau

如果一直唔理, 雞尾呢類細雀個咀長到某程度, 就有機會撞斷, 但撞斷之後會有機會左右唔平均(打斜斷), 之後會變成交叉咀; 所以就算撞斷之後, 都最好用銼磨成左右對稱.
隻雀唔肯咬硬野係隻雀既性格, 好難改. 你先留意下 ...
Louis 發表於 2012-1-30 17:00

我見隻雀有時食完野, 個咀有污糟空穀, 唔會用咀去企棍磨乾淨個咀, 而系用咀去籠邊用咀去Hi 下 Hi 下, 再 (fix) 兩野. 如果剪短, 有無必要一定要用銼將咀尖磨成尖勾形, 定系左右對稱平而唔尖都得呢, 隻雀識唔識等我磨完再去磨反尖勾形 ?    Polly 石磨爪棍都有一枝系度, 不過唔多見雀去磨咀, 我會留意多幾日. 見它食野暫時無事. 週末睇睇點先再決定.