是否太早熟?

gwensoo

我4月中買的黑頭凱克仔 -- 火火, 估計到宜家都只係八至九個月大, 心口毛仲係黃黃灰灰, 眼睛未現紅色虹膜, 所以肯定一歲都唔夠. 之後6月中, 收養咗一位網友既凱克女思思, 據說已有2歲, 好靚女.

火火同思思相處唔錯, 經常有互相餵食同梳毛.....本來我好安慰, 但最近一個星期, 我發現佢地有交配動作, 而且係日日都有, 仲要係一日好幾次.

我上網搜尋過資料, 話凱克起碼2-3歲至會成熟, 所以我好驚訝, 點解火火得果八九個月大, 都咁早熟. 唔知有無師兄師姐養既鸚鵡都咁早熟?

風中飛鸚

未必係真交配~可能只是反應動作~

Louis

就算係交配, 兩隻雀都要練習好多次先可以成功, 之後孵唔孵得出係另一個問題, 再之後係湊唔湊得大.

gwensoo

明白的. 我無諗住繁殖, 將來佢地有無仔女我都無所謂, 家下只係驚訝佢地咁細個就有交配動作, 所以想知其他師兄既鸚鵡會唔會都咁雀細鬼大啫.

macbrush

反射動作多，啲動物有時女仔都會捉住啲公仔 un，自已都唔知做緊乜。

missdana

好搞笑∼