灰鸚新手，來遲了

Kuen2348

我曾應承了兒子(小五)如全級考8名以內会買只灰鸚給他作寵物,他這學期尾剛考到第8,他舊事重提,就同佢話鸚鵡好長命,妒忌心重,要好好照顧佢先買俾佢,當然佢應承咗。
12/7一家三口就落雀街(當時旺角有三間鸚鵡店乜嘢叫bii都唔知唔識)睇下有無灰鸚,淨喺識去雀仔街)，當時有一檔有6、7只灰B(當然喺依度成日提嘅16X),我就揀咗只大身望落有神就算,5個月大仔,佢話4900,無乜同佢講價,佢話食糧就得,買埋籠、Z糧同瓜子雜糧就帶返屋企。並上網揾資料,但當時未揾到鸚鵡樹討論區。
又成日放佢出嚟玩,又捉番佢入籠,我見佢兩日無食嘢又疴爛屎,驚養死佢，14/7就即刻帶佢番去話唔食嘢，驚養死佢要換過一只，佢就攞針筒出嚟餵奶,佢又肯食,但我堅持話怕養死佢,最後講到補多500先肯俾換,噉我今次無理大唔大身,只要有神同肯食手上瓜子就算，我就揀咗一只咀有小小白，佢話依只瘦唔好，我無理佢就楝定依只，老闆又轉口話依只好乖,佢認得因為個咀有小小白，跟住我問佢拿出世紙,先知4個月大女,我問佢要唔要餵奶,佢話肯食糧就無問題,問佢有無奶粉,佢就賣咗一包淨番一半kaytee奶粉俾我(好似是90蚊)。噉就帶咗依只灰B回家並改名小雪。
我即刻洗籠，安頓好佢，再上網揾資料,終於揾到此討論區,在此了解很多新手知識，知道自己衰D乜,並我仔及我分別註冊成為依度新手上路會員。
依家小雪健康尚可,肯俾我一家人搔頭,希望遲D可上手，我知道女可能慢D。
在這多謝各ching同主席無私分享,等我了解多D点樣照顧小雪，希望各位嘅寶貝健康快樂成長。

wongleung

祝你家爱鳥健康成長。

Kuen2348

Thx∼∼多謝哂

發達鳥

一D都唔遲. 歡迎歡迎

Kuen2348

多多指教，Thx

rose

你個標題嚇死我啦！
一d都唔遲！
點解話女會遲上手？我隻一返屋企就上手，e家仲上埋頭，真係俾佢騎在頭上

Kuen2348

咁快，請問你點教？

rose

買隻唔驚人既咪得囉
我隻四個月大買番黎，傻下傻下咁，唔識防人，又唔怕人。
初生之犢不畏虎，除非佢出世冇耐就遇到衰人虐待佢，如果唔係應該唔怕人！

Kuen2348

噢！明白

kentgundam

thx for sharing  my dear c Hing

風中飛鸚

買雀好講運氣~好難講邊隻好~買到唔死都叫好彩~新鳥回家要俾佢減壓同適應環境~暫時放在籠中~唔好捉出黎玩~等佢減晒壓~熟悉環境同你地先引佢出籠~

Kuen2348

喺嘅主席

Kuen2348

喺嘅主席

風中飛鸚

我都俾你個標題嚇一嚇~

Kuen2348

Sorry呀主席.....
嘻嘻......

vanessachan

買雀真係好講彩數和緣份,我之前賣左隻灰鸚,養左兩個星期已經有隻腳仔踏上彩虹橋.之後睇醫生,又救得番.現在鬧人不知幾耍家,琼姐都要行埋一邊.其實佢都幾得意,講野好叻,不過就好惡,有攻擊性囉.

Kuen2348

是的好講緣份同彩數，是不是公會惡D，乸是否會乖D，但喺會卡蛋？

vanessachan

我的灰鸚是男仔,我覺得佢幾聰明,能與我們作簡單對答.不過脾氣比較暴躁,100%會咬人.

Kuen2348

Thx for sharing

繁星和灰灰

多同佢玩，抚摸佢， 多同佢眼神接触。 久唔久望吓佢同佢讲下野。 多手喂佢吃佢中意给野。