芝麻23日到家 黎左已經4日左右
話說我日日幫佢開葵花子, 又拎住條菜比佢食
今日仲打開門同佢玩左陣牙籤咬咬咬遊戲
玩左幾個字ge時間之後~我執番支牙籤比佢, 佢掉底唔想玩~我見佢想食野~
又開d葵花子比佢食~食食下我加埋d 糧上手
佢一開始ge時候 有d 猶豫~唔知行唔行出個籠上手食好~
經過一陣ge 靠邊食~~佢終於將兩隻雞腳踩上我隻手度食了~~
食完之後,唔知係唔係安心左, 佢離開左個籠~唔入番去~企係桌度望望下
我拎上手~佢一飛就踩住我膞頭~之後仲由右邊急步行去我左邊肩膀。
好開心~因為短短幾日佢已經肯走上我隻手同肯出籠~~我要多謝支牙籤
不過問題出現.......
今日我見佢隻眼有少少紅.....另外一邊冇的.....唔知係唔係眼有事......好擔心
但佢又好似冇野咁.....好食得....好痾得同叫得.......
有冇雀友有類似經驗幫幫我
另外, 今日我係新鮮墨魚身上拎左佢條墨魚骨出黎 諗住比芝麻咬
我想問 比佢之前 係唔係要哂乾之類...?? 定係直接比佢就ok 呢?? |
發表於 2010-9-26 23:26
| 