又係有關金剛..大家比比意見呀!!

katy_ying

爬文爬左咁耐...
大家都會話盡量唔好係呢d天氣入手...
但話說我某日出去雀街....
有老闆話3月會有藍黃金剛到...
但我又諗起呢d時候天氣唔穩定..
咁就問佢再遲d 6月7月會唔會有啦..
佢就話再遲d話左繁殖期唔會多.....

其實係唔係真嫁..??
金剛真係要呢段時間先多...??
同埋真心想問......雀街十六X 好唔好..?如果佢番藍黃我想入手..
定係鸚X店會好D呢...?

風中飛鸚

我答你可以講係~"世界回答買金剛鸚鵡最合適人選"

你爬左文~唔講新養鸚鵡需知啦~當你環境許可計~
藍黃金剛算是非常熱門鸚鵡品種之一~好多時都會有貨~16兩的來源我們估計唔到~
如果你問佢~佢答來自美國總統府都得啦~
以消費者黎講~寵物健康行第一~以保育角度當然希望是人工繁殖~
不過現在市場已經大多是人工繁殖~(問題是什麼人什麼地)
(已經好少有爆巢取鳥情況~可能已經爆冇可爆)
以上癈話開場白講完

新鳥回家因為轉變環境~在店舖又剛剛轉完一次~
好多時會出現水土不服情形~要小心處理~只要養定一排~就好易養啦~

天氣轉變快,又上落差太大~對新鳥回家當然唔係咁好~
但如果養在室內~問題都唔大~(只要暫時唔好帶落街~)

至於在那一間店買~要由你自己決定~因為邊一間都曾經有死過雀~唔咁介紹~

katy_ying

唔該哂飛鸚主席!!!!!=]
多口問多句.........到真係買雀既時候!!!
要注意D咩睇佢健唔健康呀???
睇眼仔..睇PATPAT..睇臭臭...仲有冇呢..?
唔該哂你...=]

風中飛鸚

可以留在鸚鵡面前幾分鐘~不作出任何聲音~等待鸚鵡習慣你的存在~慢慢作出聲音~將左手移到鸚鵡的右下方~引領鸚鵡注意~右手用鎖匙在鸚鵡的左上方發聲~如果鸚鵡立即回望左上~表示鸚鵡好奇~
如果仲一舊飯追住你左手~可能就冇咁醒目~但依賴性比較強~(金剛就冇咁好~葵花就冇所謂)

不過當你咁做~即表示你識得我~店舖就見你前面憎你後面~
原因係~你是精明消費者~不會單方面聽店主~會找尋更多資料~俗稱醒目客~唔係水魚~
唔能夠點你買e樣買果樣~

katy_ying

哈哈....真係超級多謝你既意見呀..!!
到時我會用呢個方法試一試....=]