GF早上8點上班前例放豬仔 (頭像果隻太陽) 出黎便便, 尋日未關好廚房門, 佢一飛就飛左出去...
在陽台睇住佢一路向外飛, 心就一路沉
豬仔5個月大, 已算飛得叻, 但未完全斷奶, 出到去除非遇到識養鳥既人, 如果唔係生存機會.. 會好低....
GF打黎, 第一句話就係話: 豬仔飛走左呀, 就淨下喊聲...
癲左咁出去搵佢, 又好似幻聽咁, 聽到豬仔把聲, 亂咁去拍其他樓層既門, 但好多都返工, 不在家
四圍叫佢個名, D人仲以為搵仔, 可能個名改得比較似人
其實一知道雀仔飛出街, 我就覺得搵唔返多,
去GF家路上, 我諗緊點收埋個籠同豬仔D野, 之前仲淘寶左D玩具送緊黎
最後, GF同事上班路上見到, 搵得返. 睇下隻錶仲係9:30am, 短短一個鐘多既經歷, 長過一日,
已飛到去幾條街外, 完全在搜索範圍外.
是次, 雖然極好運地搵得返豬仔, 但真係心有餘悸, 你越放多感情落去, 就越大打擊,
如果鳥BB突然出左戶外, 生存機會極低, 責任全在主人道, 絕不是小鳥頑皮.
如果真係走失, 我唔知應該搵到咩時候, 之後貼街招亦會日日擔心住, 天天睇住個空籠
唔好意思長編大輪, message其實只有一個, 保護好你的小鳥, 佢飛出街唔係佢唔乖, 係主人冇好好照顧佢. |
發表於 2012-4-12 12:13
| 
發表於 2012-4-12 16:41
|