雀街十六兩有好多灰鸚bb

gilgil

我今朝去有十幾隻灰鸚bb，佢肯4xxx一隻，其中有隻好為食，未戒哂奶三四個月大。仲有一隻藍金剛同四隻大白…
四隻大白好得意，兩仔兩女，我買左一對二萬x，唔知價錢合唔合理呢？
阿十六兩好快比理張入口紙我睇，所有雀前日先到步…點點點.,全部三四個月大，我中哂d大白bb毒，實在太難忍手

tsw

恭喜,就大白快高長大!

Cozzy

我今朝去有十幾隻灰鸚bb，佢肯4xxx一隻，其中有隻好為食，未戒哂奶三四個月大。仲有一隻藍金剛同四隻大白…
四隻大白好得意，兩仔兩女，我買左一對二萬x，唔知價錢合唔合理呢？
阿十六兩好快比理張入口紙我睇，所 ...
gilgil 發表於 2010-7-24 15:26

功喜功喜~~~~~

gilgil

我都好希望佢地身體健康，開開心心…
因為之前實在太多悲慘經歷

風中飛鸚

1未取的大白有做記號嗎?
2有對他說~死雀關那一方事~?
3經驗分享~唔同講法有唔同效果~你現在留下大白~萬一死去~責任問題係點?
另一說法分享:
老闆呀~我同你買兩隻大白2x000元~我落訂金1x000元~一個月後取貨~
一個月後死左一隻~先取冇事果隻~再追死左果隻~老闆話:生死由你負責~
你就大條道理~我訂兩隻雀~你俾得一隻我~未完全完成交易~我告到你甩褲~

但說話現在調轉左~是你寄下兩隻大白~生死一定是你負責~
只是一句說話~一樣好聽~但效果唔同晒~

風中飛鸚

所以生口就係咁~大家要靈活處理~買雀先前,要說清楚~因為未俾錢就大晒~俾左錢就吃虧~
講價講到死一件事~如果打算不取鳥~一定要先前講清楚~

gilgil

我果隻落左三千訂，冇比哂錢，有記號同抄底環number，有開單，佢話好好照顧佢，我本來話同佢磅理重，不過佢成身汗又未得閒，佢話得閒同我磅返喎
多謝你既提示呀會長，今日一見佢地實在中哂毒，好精靈架，我家陣一路偷看佢，佢食緊合成糧，我唔敢嚇親佢，唸住佢住一晚聽日先磅佢，好嗎？[img][/img]

gilgil

[img][/img]
佢家陣不停講外星話，羊咩叫，食野！同之前果兩隻好唔同！好得意呀！

vanessachan

我都覺得大白好靚,但我已經有隻灰鸚,如果買1隻大白要幾錢,你買一對應該係平D的.

風中飛鸚

bb又唔洗咁擔心~可以接觸都得~唔洗停留冷靜期~不過你沒有留意的地方~

1家中要消毒~
2幼鳥要保暖~
3早晚要餵奶~
4奶粉要注意溫度~你就當自己飲~覺得都幾熱下~又微微飲得落~唔燙咀~咁溫度就差不多~
5至於奶粉的添加~因主人而異~有人喜歡添加合桃茸~有人喜歡添加其他~百人百法~
6早晚餵奶~不要餵到漲飽~因為已經不是幼鳥~只需要令他不餓死就足夠~
7剪翼問題~幼鳥的初羽~是飛行能力最高~只要一剪~他就不能嘗試到真正飛行樂趣~
如果留下初羽~你就要格外小心~因為比一般鸚鵡會飛得更好~
8由幼鳥開始飼養~有一個好處~可以自小習慣他~不要大叫~你現在只取走一隻~是最笨的做法~
a兩隻一齊養~可以互相取暖~
b兩隻自小就好感情~不會有前後進家的感覺~不會互相爭奪寵愛~
c前後腳進家~兩者互信已經有差別~完全沒有好處~
d餵養一隻同兩隻~功夫完全沒有分別~
e兩隻有爭奪食物的需要~令雙方都能飽食~
f冇錢買兩隻就難講~既然已經買兩隻~當然要好好利用這優勢~你反而放棄~自製先後進宮的爭奪戰~

cccyan0105

f, 冇錢買兩隻就難講~既然已經買兩隻~當然要好好利用這優勢~你反而放棄~自製先後進宮的爭奪戰~
說得很對..........................

gilgil

明白啦會長，我都有考慮會爭寵呢個問題，我聽日都想接佢返屋企，其實唔取係因為新既地方未準備好，佢而家個籠新買的，放的地方我放佢之前已用火酒抹淨同吹乾哂先放佢，我係怕佢地太迫新既地方未ready所以先取一隻，等做好個新籠同個地櫃過兩星期都送到黎就即刻接埋另一隻。我本來想買一隻先架，我先生話反正都想要一對，另一隻又都好得意咪買埋比訂先，叫佢幫我養住。因為初時唸住兩星期，咁我係咪應該接埋佢買住多個細籠先好呢？等接埋又好唔好放下佢地一齊呢？如果係我聽朝去接埋佢返屋企，我都唔係好想放係果度。
至於佢地對翼，十六兩已經剪左。
放心我會好好照顧佢地，經過你既教導，我會更加小心同觀察！
非常多謝你，鸚鵡之父！

風中飛鸚

唔好客氣~
幼鳥所住的樹洞~都唔大得去邊~你又唔係一世鎖佢在籠內~唔洗太擔心~
因為壽怕幾星期後~兩隻效果會令你失望~
現在兩者互相依賴~感情非常好~相隔幾星期~情況完全唔同~你的鸚鵡會以你為同伴~以另一隻大白為外敵~
所以一係兩隻都唔囉~現在既然囉左~冇辦法啦~

gilgil

9# vanessachan

佢原本開價萬三，講講下價就一萬x，之後一對買就二萬x，我都係靠講左會長話可以平d佢先肯平比我，真係多謝會長之前既講解。

gilgil

11# cccyan0105
我初時唸住兩個幾星期呢個問題會唔大，畢竟大家都仲細，而家越講越心羅羅亂，都係聽日去接埋返黎，但各自一人一個籠先都唔會有呢個問題架？最多比佢地見到大家，放埋一齊太少空間啦，又未有大籠住…聽會長講完，知道頭先帶哂返黎啦！

gilgil

13# 風中飛鸚


明白哂啦，聽朝一早去接埋佢，仲有我想問下我放佢地係廳，有開風扇唔開冷氣，怕唔怕風扇吹到佢地呢？十六兩教我喂三支糊仔比佢地，係咪都夠？一支大概十鬆ml，我見佢好肯食瓜子同少許混合糧，喂到佢唔食係咪都夠呢？仲有我頭先買果塊籠布都幾薄，蓋住吹到風扇會晤會有間題？
仲有係咪一樣都飲得glucose water？我都係加少少

miumiu

Congratulation

sonic

吹風扇或冷氣機吹風，好易吹到病，直吹或反射吹都有風險。
風扇只可以向人吹，風吹笵圉不能吹到鸚鵡BB！

gilgil

我隻發bb唔肯食奶呀，起勢走圍走，食到四處係，好惡呀，我好少好少咁半個鐘先喂到一支，死都唔肯食。後來捉佢出黎磅重有20.65oz但捉過佢同逼過佢食奶之後，佢一返入籠就狂伸上伸落個頭同腳推上推落，見到我就翌起個冠，又大叫幾聲，係咪發我脾氣？仲狂想咬我，死啦佢會唔會記住我架…好驚呀！不過佢就有食過幾粒合成糧同三十粒瓜子，仲駛唔駛喂奶？定聽朝先喂呢？救救我呀…

Louis

兩隻bb未識得周圍玩周圍爬, 暫時幾星期迫埋一齊住無問題, 除左可以保暖, 仲有安全感.
怕風扇吹到, 就籠外夾大浴巾擋住.
大白餵奶, 一日最少兩餐, 每餐至少30ml, 有d大食既, 甚至可以食到60~80ml, 籠內可放d合成糧.
所有種子糧, 瓜子都唔好餵, 種子瓜子難消化, 幼鳥消化力未夠, 萬一消化不良, 引致嗉囊炎就麻煩, 100隻患消化不良既幼鳥, 101隻都係因為食種子糧引致. 點解鸚鵡要反芻餵幼鳥, 就係因為幼鳥消化唔到種子.
餵得奶, 食得到乾糧, 就唔需要餵葡萄糖水.
買奶粉時, 買全包或全罐, 唔好貪平買散裝.