gilgil

但係佢好難喂，一見支針筒起勢走，又咬又閃開…正常嗎？佢重有今日既大便成篤糊仔咁，係咪消化不良？成大篤仲要大半日先一篤…如果佢唔肯食奶您係咪捉佢出黎包住佢喂？會唔唔chock到佢肺炎架？佢爭扎得好厲害…
重有係十六兩果度已經食開瓜子，我聽日唔再比佢食，佢肚餓可能會冇咁抗拒d奶？
條頸拉上拉落得好緊要係咩意思呢？
我夜d仲喂唔喂奶？定聽朝先喂？救救我唔該…
隻奶係kaytee exact會唔會唔岩食？

gilgil

仲有佢地已經周圍玩周圍爬，四個月已經好有力，唔似bb相入面d bb，…

Louis

先唧少少奶入口, 如果bb知道食得, 就唔會怕, 如果仲係怕針筒, 就試下用匙羹餵, 或者放晌碗或狗兜, 等隻bb自己食.
bb 唔肯食奶, 唔好強行灌, 灌入氣管就好易肺炎.
精神緊張或腸胃炎都會令大便一 pat pat, 肯食野, 一兩日就會回復正常.
條頸拉上拉落應該係同你玩.
夜d試餵多一次, 唔肯食就算, 籠內要有合成糧.
Kaytee Exact 都係一隻好奶粉.
如果屋企有其他鸚鵡, 就俾bb 望到, bb 會學習其他鸚鵡行為, 食野, 飲水, 玩, 大叫.

carolee

恭喜晒呀!　　好期待睇你的一對ｂｂ　

yokojune

100% agree with Louis, my dor dor die is same reason.

BABYPAPA

又一次看養BB 鸚鵡 有這些問題了....

Cozzy

又一次看養BB 鸚鵡 有這些問題了....
BABYPAPA 發表於 2010-7-26 12:05

養bb的確係唔易~~~~~要好多心機

gilgil

昨日終於一對返屋企，好溫馨又好恩愛，點知喂完奶抹靜個咀發覺燒賣（男仔）佢個咀潰爛，同埋冇力咬糧同瓜子，蝦餃（女）剝埋喂佢都食唔到，會唔會真係未識食呢？後尾我送返比半斤（店），佢即刻比返錢我拿去塗藍藥水，佢又唔知係先天有缺陷定運送時傷左，我同蝦餃都好心痛呀！佢收我五十蚊一日話包一星期後識食，我都唔想冇左佢，但一星期期後食唔到點算…，唔通我要放棄佢？定由佢賣比第二個？如果真係先天缺陷佢會唔會永遠都要靠喂奶呢？好頭痛呀，點解次次都緊有問題架…
好彩蝦餃無左燒賣冇咩情緒低落，唔您係就…佢見我喊仲識錫我添…

gilgil

大隻d既係燒賣…左面，會唔會真係連瓜子同香蕉都會未識食呢？但識叫肚用針筒喂糊仔又好肯食…頭痛！

gilgil

我見佢好想放入口食架，但一入口想咬就放口由佢跌，會唔會有機會好似人類咁內上顎未遇合呢？仲有佢雖然外形大隻但仲輕過蝦餃架。

gilgil

我見佢好想放入口食架，但一入口想咬就放口由佢跌，會唔會有機會好似人類咁內上顎未遇合呢？

Louis

"點知喂完奶抹靜個咀發覺燒賣（男仔）佢個咀潰爛"
如果個咀真係潰爛, 一係隻雀已患上絕症, 一係患上嚴重真菌感染, 亦可能你唔識形容個傷口.

"同埋冇力咬糧同瓜子，蝦餃（女）剝埋喂佢都食唔到，會唔會真係未識食呢？"
可能個咀受傷疼痛, 無力咬合.

"佢又唔知係先天有缺陷定運送時傷左"
如果係先天問題, 會一世都有問題; 如果係俾其他雀咬傷, 一兩個月會好番.

"佢收我五十蚊一日話包一星期後識食，我都唔想冇左佢，但一星期期後食唔到點算"
點解唔帶去睇醫生呢? 要自己估估下.

"如果真係先天缺陷佢會唔會永遠都要靠喂奶呢？"
如果真係先天缺陷, 係永遠都要靠餵奶.

"會唔會真係連瓜子同香蕉都會未識食呢？"
可能會, 有d鸚鵡唔肯戒奶, 就會唔肯食乾糧, 而飼養者迫隻雀戒奶, 隻雀就會越來越瘦, 越來越輕, 導致營養不良.

"會唔會有機會好似人類咁內上顎未遇合呢？"
鸚鵡上下顎不能完全閉合, 係好普遍及正常.

如果你真係喜歡隻鸚鵡, 不如帶去睇醫生, 俾醫生仔細檢查, 清楚知道隻雀有無問題, 好過自己估估下.
網友俾幾多意見都無用, 因為大家都無親身見過摸過隻雀, 網友都係根據你既描述而估估下, 不能作準.

BABYPAPA

如感情未深就退回吧，現在十 x兩包給你醫好？<如醫不好呢>？，現在已很 trouble 了。

gilgil

佢已經比返哂錢我喇，不過佢亦願意唔賣住，幫我照顧一星期，如果呢星期後可以自己咀嚼就會先賣返比我，我有話同佢比獸醫睇，佢死話塗藍藥水會好返，好唔到先睇。
"會唔會有機會好似人類咁內上顎未遇合呢？"
鸚鵡上下顎不能完全閉合, 係好普遍及正常.
首先多謝你詳細既解答，我指既唔係上下咀既閉合，係嘴裡面的內層先天性未埋好，所以唔可以用力咬硬野，佢前嘴可以用力咬住籠支，個放入裡面，好似手指或糧食就唔會用力咬。所以我估好似人類天生內上顎兔唇咁根本出世時都未愈合所以用唔到力，我唸要同佢照x-ray先知。佢真係好乖好靚，只係有缺陷。
如果好到，要我喂多半年奶都冇問題，只係唔知短暫定永久…半斤一見到佢有問題就搶返即刻比錢我話自己一定醫好佢，又見我好唔捨得拆散佢地就肯約我星期日見佢識到野就先賣返比我，食唔到就話自己留返做生招牌，有冇可能會咁呢？我唔係懷疑佢既好心，不過如果只係見佢肯食到瓜子係咪都證明冇問題帶得佢返屋企呢？不過，我都會帶一帶佢睇獸醫檢查下，真係有問題就比返佢，冇野就安心等佢慢慢戒奶，磅住佢體重，正確嗎？

gilgil

同埋講漏一樣野，就係佢係好想試食野，佢有努力試食，每種糧都只係放入口想咬就又放底，我係拎蝦餃出黎喂，得返佢只己係個籠度果陣就自己試，係（佢已食飽奶），同我比香蕉佢食佢都好想食，但一咬拉開時又即刻放口，所以我先估下會裡面有事，因佢咬佢籠支係非常有力架，傷口又係咀外，先至奇怪。

BABYPAPA

34# gilgil


YOU ARE A VERY GOOD OWNER

pigpig

我真係好唔明..如果你真心想養佢..一發現有事,做咩唔同佢睇e生..我唔知你係未第一次養鸚鵡..但係..你唔係真係信佢拎藍藥水會醫好佢呀?? 藍藥水而家話有水銀ga wow!!!???比佢食??

講真..如果你話..我無能力養佢.而鳥店又退返錢..ok....我覺得無問題..不過你而家咁..即係無事就要有事就唔要???你點知佢有冇事??學louis講, 有d病要驗血先知佢有冇問題ga wow!!!

一斤做生意係點.好多人都知...佢點對鸚鵡..大家都心知啦...仲有對大白黎講..你個籠..實在太細啦..仲要一對!!!!

gilgil

我訂做緊個大籠，但未送到貨，要多兩星期。我真係唔知呀半斤點對d雀，我比佢睇埋咩情況，本想報定案講佢知有呢個問題存在，佢就即刻比返錢我堅持自己會醫好，叫我一係唔好要一係等佢，又話賣比第二個。
講真我係鐘意佢，但如果真係永久性好唔到既話咁點要呢？
至於睇醫生，我都好信任報告既結果，但佢地既手法就好難講…可能我太清楚。
但我買左佢一日發覺有問題，如果即刻帶佢搵peter，我唔計留院後既outcome先，但萬一發現佢真係永久既，做左咁多野又隔左幾日先比返半斤，你估佢會唔會肯要返呢？所以我先選擇先報案，可能個個做法唔同，同埋之前你講既做法我因為都試過，結果睇醫生幾千蚊洗左雀冇左，所以先咁做。
要怪都怪自己買得太衝動，未睇清楚就買，所以以後真係要小心check真觀察多幾日先好買，原來一兩日都已經可以好深感情。
我唔係懷疑醫生既知識，不過佢地都一樣講一套，做又另一套。舉個例：好似話要吊鹽水，原本話要靜脈注射，點知話喂到佢食幾粒瓜子同營養奶，但轉頭又嘔返哂，結果又唔吊鹽水，同皮下注射…可能醫雀同醫人好唔同，但為左要佢重小小就又改treatment但問點解要轉又答我唔到喎？但改左有冇好處呢？如果用係人身上我可以好肯定答你冇！重要係因靜脈注射困難過皮下，仲要係雀仔。但成效呢？就完全唔同，所以你話信報告，我一定會，但處理手法就令我止步喇。仲要我未同佢咁醫學口吻問之前就一個答案，留院後details d問就答既唔同哂。都真係怪自己冇好好觀察同心急就買之過，攪到傷心費時又浪費金錢。都唔知點解我要買隻健健康康既會有咁多波折。好希望而家屋企隻蝦餃會快高長大，同燒賣可以係醫得好既小問題可以接佢返黎就夠心滿意足喇！

kendcsxaz

你最好同另–隻去驗下,我見你放埋一齊,因為如果真係有嚴重真菌感染,會痊比另一隻健康的,到時就煩啦

gilgil

同埋佢個傷處係嘴外，佢唔係比佢食，係比佢塗，但外面傷口咁樣好唔好返就真係唔知…同外面傷口好左d但又咬唔咬到野又真係唔知…
我第一次養鸚鵡但計埋今次就有三次唔好既問題出現。第一隻咩都未識又冇磅重不過見佢識食識叫冇磅重但個半月就突然死亡。好傷心情況下我先生買過隻比我，我問多左養開既人要注意咩買左返屋企四口唔食體重減帶佢醫，醫完出黎仲差過未醫之前，結果都係…懷疑鸚鵡熱。到今次去第二間買過，原本佢話要個多月先有貨，我掉哂以前既物品，訂做個大地櫃同大箱準備好先迎接，點知又突然話有貨返，去睇中呢一對，但又有一隻出事，唉！好唔開心呀！