緊急~~灰鸚落街後好似病了

芭比

請問中暑既病徵係點o架~~
我隻鸚鵡尋日落完街之後,返到home就無晒精神~
成日係到訓,佢平時好多野講o架~~~
help~~~~~~~~~~~~~

wendy2307

如果中暑,俾佢飲d電解水,放在陰涼安靜地方,蓋布讓佢休息,或俾d葡萄糖水,

Louis

唔好騷擾佢, 靜靜休息一日就會無事, 留意便便狀況, 如果變黃, 變紅, 或變黑, 就要即刻睇醫生.
回復精神後, 可以俾d生果或果汁, 補充維他命C, 因為太熱, 緊張, 或精神亢奮, 會消耗體內大量維他命C.

天氣熱, 帶隻雀出街, 行街袋/箱最緊要通爽, 曬雀時噴濕隻雀, 為隻雀降溫, 由其係大髀內外, 因為雀鳥大髀有粗大血管, 噴濕大髀可幫助血液降溫, 從而令體溫下降.

如果見隻雀張口呼吸, 雙翼微張, 已經係隻雀覺得熱既表現.

千古將材

唔好騷擾佢, 靜靜休息一日就會無事, 留意便便狀況, 如果變黃, 變紅, 或變黑, 就要即刻睇醫生.
回復精神後, 可以俾d生果或果汁, 補充維他命C, 因為太熱, 緊張, 或精神亢奮, 會消耗體內大量維他命C.

天氣熱, 帶隻雀 ...
Louis 發表於 2010-7-2 14:05

嗯嗯....噴濕大髀最有效降溫等我記住先~~
thank you

tsw

我都要記住!thank Louis

layer

而家好返d未呀~~?

Louis

如果中暑,俾佢飲d電解水,放在陰涼安靜地方,蓋布讓佢休息,或俾d葡萄糖水,
wendy2307 發表於 2010-7-2 13:41

如果已經係輕微中暑, 多數連飲水都會有困難, 應盡快帶去睇醫生.

當隻雀出現過熱症狀, 俾電解水無問題, 但如果俾葡萄糖水反而有機會令問題惡化.

電解水同葡萄糖水係兩樣唔同既野, 當隻雀體溫上升時, 身體會消耗大量水份, 雀鳥唔會排汗降溫, 須要會靠喘氣, 用口吸入清涼空氣入體內降溫, 同時亦會排尿, 利用尿液將體溫帶走, 但尿液同時會帶走部份電解質, 所以須要飲電解水補充電解質.

但係如果餵葡萄糖水, 葡萄糖會被身體快速吸收, 沁透入血液, 血液內水份會被葡萄糖迫出, 然後變成尿液排出, 甘樣, 身體會進一步流失水份, 令病情惡化, 所以有病時葡萄糖水唔可以亂用.

芭比

多謝晒大家~~佢依家無事喇~~~
佢依家精神返喇~
之前佢呆呆滯滯,,,成日訓,,,又all水~~
真係嚇死我~~~
特別多謝Louis ,,你的資料十分詳盡!!!!!

迪迪仔

無事就好啦

tsw

灰鸚無事就好,下次小心D!

carolee

LOUIS博士真係乜都識, 好利害!

tsw

LOUIS博士..............

風中飛鸚

1買支寶礦力~一比一開溫水~給鸚鵡補充~

2昨天天氣炎熱~不過非常灰鸚鵡的祖先~可能在非洲已經習慣更熱天氣~將基因留給你的鸚鵡~請放心~

3香港天氣熱死非洲雀比較難~只要你唔好強行鎖上鸚鵡~放在烈日下勁晒~唔俾水飲~咁就沙漠駱駝都死~