飼養問題

1.大家會唔會買零食和營養品比鸚鵡食?
2養灰鸚鵡應該抽幾多時間比鸚鵡?
3.如果去旅行可以點?
4.甚麼叫換毛?幾時先換毛一次?
thxx

Louis

樹樹管理員

Rank: 9 Rank: 9 Rank: 9

2^#

發表於 2010-6-18 02:32 | 只看該作者

1. 生果, 蔬菜, 硬殼果, 墨魚骨作為零食, 餵合成糧做主糧就唔須要額外營養品, 除非身體有特別須要, 例如懷孕, 或患有慢性疾病.
2. 未可以上手前, 要花好多心機時間耐性建立彼此信任, 清潔, 餵食所有都要自己做, 當隻雀跟你可以上手後, 就唔須要痴到實, 可以放隻雀出黎自由活動, 你就做自己野, 記緊閂好門窗.
3. 交俾可以信賴及真係識得養鸚鵡既家人或雀友代為照顧, 或交俾所買店舖寄養.
4. 雀鳥羽毛會隨新陳代謝, 季節氣溫環境改變而脫落, 再生長出新既羽毛適應新環境, 一般雀鳥會在春秋兩季換毛.

TOP

BoBoBoBo

新手上路

Rank: 1

3^#

發表於 2010-6-18 08:58 | 只看該作者

1. 生果, 蔬菜, 硬殼果, 墨魚骨作為零食, 餵合成糧做主糧就唔須要額外營養品, 除非身體有特別須要, 例如懷孕, 或患有慢性疾病.
2. 未可以上手前, 要花好多心機時間耐性建立彼此信任, 清潔, 餵食所有都要自己做, 當隻 ...
Louis 發表於 2010-6-18 02:32

葵花食Harrison之外亦須要墨魚骨作為零食?
想問葵花食墨魚骨可以幾耐食一次，同份量幾多
葵花係咪同灰鸚一樣須要大量Calcium?

深灰鸚 Timneh =寶寶, 仔
性格:沉默寡言, 身手敏捷, 胆大心細面皮厚. 斯斯文文, 具紳士風度
淺灰鸚 =晴晴, 女
性格:活潑好動愛說話, 粗心大意又細胆. 粗粗魯魯,野蠻小公主.

TOP

Louis

樹樹管理員

Rank: 9 Rank: 9 Rank: 9

4^#

發表於 2010-6-18 11:49 | 只看該作者

墨魚骨, 熟雞蛋殼作為零食, 可作為天然鈣質補充, 葵花同灰鸚, 因為身體結構(亦可能因此而多d羽粉), 係須要多d鈣質.
此類性質穩定天然鈣質食物, 唔易消化, 雀鳥/動勿進食後, 身體會少量吸收, 大部份消化後既鈣質代謝物會被排出於便便中, 所以可以放心日日俾.
反而鈣水係一種化學藥物, 吸收率高, 要小心使用.

大家有個誤解, 擔心唔夠鈣質會骨質疏鬆, 但鳥類天生就係骨質疏鬆, 大部分骨駱內係空心, 充滿空氣, 令身體輕盈, 有助飛行. 除身體機能所須, 鈣質在雀鳥身上, 好多係用於羽毛生長, 鳥咀鳥爪生長, 及產蛋.
如果真係缺乏鈣質, 係一種慢性病, 係全身都會出現問題, 所有內臟系統受到影響, 羽毛出現問題, 隻雀會謝晒.

實驗証明, 產蛋後缺鈣既母雞, 在飼料中加進鈣粉(墨魚骨/貝殼/蛋殼), 兩日後血鈣已可回復安全水平, 相比哺乳類要至少兩星期, 雀鳥對鈣質既吸收速度好快.
* 要量度身體鈣質含量, 一般會驗血, 以血液中鈣質(血鈣)含量, 來計算及評定身體有否骨質疏鬆.

有時d人見隻雀突然腳軟(產蛋除外), 以為唔夠鈣, 拿拿林去俾鈣質補充劑, 其實好少係因為缺鈣, 好多時係疼痛或神經系統問題, 如中毒, 病毒感染等, 或其他急症, 應該立即睇醫生.

TOP

BoBoBoBo