gadgeteer

我有興趣喎~~~借左係咪可以唔還架~~~~XXDDD"
yimaggie 發表於 9-5-2014 17:49

我係你，老虎蟹都扮好難爲你，跟住同鸚哥講送個雙層防彈玻璃籠你就好偉大好有勇氣免爲其難考慮下借唔借

風中飛鸚

我有興趣喎~~~借左係咪可以唔還架~~~~XXDDD"
yimaggie 發表於 2014-5-9 17:49

唔好咁傻~冇人頂到7分鐘~世界紀錄6分半鐘主人聾左~

連澳洲大葵你都想要~証明你都好濫要~

養鳥新丁

唔好咁傻~冇人頂到7分鐘~世界紀錄6分半鐘主人聾左~

連澳洲大葵你都想要~証明你都好濫要~
風中飛鸚 發表於 2014-5-10 10:16

.............

wongleung

相信我! 10年經驗所感, 養鸚鵡1隻起2隻止, 隨着自已年紀漸長, 開始感到吃力, 去旅行去街都會心掛掛,  ...
jennymok 發表於 2014-5-9 10:53

好有同感，我隻係亜逊女，现已担心怎安排她以後怎過。

yimaggie

唔好咁傻~冇人頂到7分鐘~世界紀錄6分半鐘主人聾左~

連澳洲大葵你都想要~証明你都好濫要~
風中飛鸚 發表於 2014-5-10 10:16

    我係ga~ 係葵就得啦~ 不過痴身大雀1隻好喇~ 愈大隻愈好~XD 話知佢大聲過爆核彈~
村口1隻紅金2隻大白~出入都要經過真係好折磨

如果只係好似住以前啟德側邊咁我都仲頂得住~ 都仲瞓得著覺~

yimaggie

我係ga~ 係葵就得啦~ 不過痴身大雀1隻好喇~ 愈大隻愈好~XD 話知佢大聲過爆核彈~
村口1隻 ...
yimaggie 發表於 2014-5-11 00:36

寫漏左...玫瑰除外....唔愛迷人PINK COLOR.....

wongkailam

回復 6# louisa20047

前輩有一事請教,葵需唔需要磨嘴呀!之前牠好乖冇事,但上個月我去左9日旅行返來後,牠就情緒不穩,一上我手就咬我,見到我就喪叫,請問應該點做.

yimaggie

旅行返來後佢第一次見你大叫你身上有無d野嚇到佢

louisa20047

回復  louisa20047

前輩有一事請教,葵需唔需要磨嘴呀!之前牠好乖冇事,但上個月我去左9日旅行返來後,牠就 ...
wongkailam 發表於 2014-5-19 20:21

其實磨咀係冇必要的
情緒不穩~上手就咬~見你就喪叫~請形容一下你有咩改變~同詳細形容埋佢做里D行為時~佢身體情形係點
例如: 情緒不穩~有冇事例?上手係你捉上手?定你俾手佢就自己上?上完就即咬?定你同佢講完野先咬?咬到血流成河?定船過水無痕?喪叫係只對你叫?定所有人都叫?叫時係開翼叫?開冠叫?鬆毛叫?縮起叫?
你隻葵係咩葵?幾大?
之如此類的形容係必需的~不同情形有不同程度同意思~睇醫生~醫生都要左摸右驗先得個大概~你只講咁少野我知~我估中的機會大極有限

有D葵花如果本身跟左一個人~而個人唔見左一段日子~例如公幹, 旅行......~加上因寄養而令環境改變~會令葵花覺得被人遺棄~從而令葵花怨恨個人
咁個人可以做的~就係當隻葵係一隻新鸚鵡~同隻葵從新建立互信關係

另一個可能~吾家有葵初長成~荷爾蒙問題影響~令脾氣變差~令一D本身佢可以忍受的事~變成忍無可忍

(可能性好多~唔一一數啦)

養鳥新丁

果然係葵后…………

wongkailam

回復 29# louisa20047

我自己冇改變,只係冇見牠10日,係我比手牠就立即上手,但佢企定後就開口咬我,咬到差不多血流成河,,喪叫時開翼,開冠鬆毛樣樣斉,大約兩歲半,牠從來只係上我手,我去旅行的日子,由我個仔照顧,即買牠返來的人,牠只係見到我才喪叫,現在我都怕左佢,我行埋個籠邊牠已經發狂,用個嘴咬個籠,
    [img][/img]

louisa20047

回復  louisa20047

我自己冇改變,只係冇見牠10日,係我比手牠就立即上手,但佢企定後就開口咬我,咬到差不 ...
wongkailam 發表於 2014-5-20 22:30

醜話先說~我冇見過你隻葵~亦唔知你離開的時候發生過咩事~一切只係推測+交流~就算唔中~都請勿報仇

1. 你比手牠就立即上手~但佢企定後就開口咬~咬到差不多血流成河
如果佢本身冇咬到人血流成河的歷史~而宜家第一個就咬你~咁代表佢對你的負面情緒已經到頂~而唔知咩人的反應令佢覺得只要狠咬就可以得到佢想要的結果(or過程)~例如離開
而你係佢由開始咬~到狠咬的發展過程中~你的行為表達左俾佢知你接受里個發展(例如佢起初只係咬到你痛~但你大聲鬧佢~於是佢以為你like)
當佢唔知你唔接受咬里個行為~里個行為就會一直發展~之後當佢了解到人係可以咬的時候~只要佢試過咬可以令人離開~佢就會變本加厲~於是血流成河的情形出現

2. 喪叫時開翼,開冠鬆毛樣樣齊
里個係趕人走的表現~鬆毛的程度代表不安/恐懼/憤怒的程度
不安/恐懼~通常頭會向後縮~再向前作攻擊狀~但不會接觸
憤怒則有咁前衝咁前

3. 大約兩歲半
唔知你果隻咩葵~但已經唔算幼鳥~有D葵花會開始由認媽媽~改為找伴侶

講個故事你聽~你睇下岩唔岩你的情況
從前有隻葵花~A第一次見佢時~A伸出左友誼之手~再加一句:過黎呀~於是隻葵花就自己選擇跟左A走(當然有俾錢啦~XD)~第二日~里隻衰葵花好用力地用咀捽左B手臂一下~即時皮下爆哂~從此B就知~里隻衰野好了解點樣對付人類~當時佢對B的反應不太友善~而佢對A則係死心塌地
後來某日~A無暇打理~隻葵花變成由B全權處理~日子一直咁過~直到某日~B發現隻葵花攻擊A~而且見到A時特別嘈吵~加上對B死心塌地~才知道隻葵花移情別戀~戀上左B了

yimaggie

咁如果真係要出門點算=口= 10日都咁樣....會唔會有例外/方法令佢唔會移情別戀呢....

louisa20047

咁如果真係要出門點算=口= 10日都咁樣....會唔會有例外/方法令佢唔會移情別戀呢....
yimaggie 發表於 2014-5-21 18:54

假設真係移情別戀
佢只係天時地利加人和先搞成咁

如果隻雀再大D/細D~咁樣的機會就相對細好多

wongkailam

回復 29# louisa20047

我於2013-6-27及28日已把牠的相片放左上網,請查看,其實牠當日咬我之前係冇發惡嘅,仲在我手上玩左一輪,到我放牠落企架,就特突然打左一個360度轉圈,就一口咬爆我隻手指,當時我想把牠扣住,牠再攻擊我,我就冇再理牠,自己先清潔同止血,之後再伸手比牠上我手,再放回籠,之後幾日我都冇再放牠出來,咁我應該點做好呢!

jennymok

我細佬隻大白正正就係移情別戀嘅好例子 :
(1) 一買返嚟好跟我弟婦, 唔太理我細佬
(2) 當我弟婦有咗BB後, 突然變得好唔鐘意我弟婦, 同成日想咬佢(以前無試過), 竟然愛上我細佬
(3) BB出世後大白嚟咗我屋企住, 好跟我媽咪, 巳忘記了細佬

yimaggie

移情別戀嘅年齡分別係幾歲~?

yimaggie

移情別戀嘅年齡分別係幾歲~?

louisa20047

回復  louisa20047

我於2013-6-27及28日已把牠的相片放左上網,請查看,其實牠當日咬我之前係冇發惡&#220 ...
wongkailam 發表於 2014-5-21 20:06

1. 發狠攻擊先黎教~已經遲左了

2. 扣葵都有好多種動作~唔知你用邊種~扣唔岩~只會反擊得更狠

3. 先清潔同止血,之後再伸手比牠上手,再放回籠
你成個動作次序已經錯左~佢已經唔記得左自己咬完你~只知上完你手就要回籠

4. 突然打左一個360度轉圈,就一口咬爆我隻手指
正常唔會無啦啦咬人~除非有陰影~否則可能係你踏中左佢底線

louisa20047

移情別戀嘅年齡分別係幾歲~?
yimaggie 發表於 2014-5-22 19:25

冇講明幾多歲的~唔同品種唔同時期
鸚鵡BB時係認媽媽~所以有奶便是娘~非常好玩
成鳥時係認伴侶~所以一心一意~除非經過教育~否則擋我者死

亞成就係改變時期~不論係認人定習性