半歲灰b狂飲狂痾：一晚300ml, 便便成形，尿酸散開

scylam

現在還留醫中。醫生話根據血液報告應該肝有事。原因可能系食物或者環境毒素。由於佢要喂藥，直入胃部我冇信心搞。留院已七曰，心急心痛但又無能為力。只好等待佢懂得/可以自己食再回家。請教有類似經驗者分享寶貴經驗。我唔會放棄相處已一個多月的愛鸚：
1）有乜辦法令佢自己食足藥？
2）有冇食療方法？
3）有冇鳥類補肝\解毒成藥？
4）有冇其他可能性？醫生堅持腎臟冇事，有冇人有類似經驗？
5）會否大腸吸收水份方面出問題？
成件事好怪罪自己。希望佢可以健康成長

旺旺

你比甚麼東西餵養？  —個月就出事？ 有冇問過間舖之前食甚麼?
别怪自己，找出原因才是正確方法

scylam

進口種子糧加harrison, 偶爾瓜子作零食。原因不明。回來時很健康。唔關雀店事。

旺旺

食物應無問題，是否喝很少水？

macbrush

但係十日前牠還只是吃 ZuPreen formula ，而唔食種子糧。咁快停哂奶轉哂糧？

scylam

之前吃種子糧，蔬果及少量harrison, 早晚20ml ZuPreen baby formula. 每日平圴3~4ml水。
八九日前突然大量尿液，狂飲水，每日超越300ml水。

littlecae

可以搵多個獸醫問意見∼

Louis

1）有乜辦法令佢自己食足藥？
先要問清楚, 係直接餵藥入嗦囊, 定係直接餵藥入胃.
a.) 直接餵藥入嗦囊, 即係用針筒餵藥水入口, 然後再餵少少清水, 方法與餵奶一樣, 難度甚低.
b.) 直接餵藥入胃, 即係要插胃喉, 難度及風險較高.

2）有冇食療方法？
一般肝病, 都係以低脂清淡食物為主, 少食多餐, 暫時戒除所有高脂高蛋白食物, 不論乾糧定係鸚鵡奶, 次數份量及濃度都應跟隨醫生指示.

3）有冇鳥類補肝\解毒成藥？
醫治鳥類肝病, 除針對性藥物外, 輔助療法多數會用吊鹽水, 及餵食 Milk Thistle 草藥.

4）有冇其他可能性？醫生堅持腎臟冇事，有冇人有類似經驗？
幼鳥患肝病, 常見有以下原因:
a.) 先天性
b.) 脂肪肝(營養過剩)
c.) 肝血腫
d.) 病毒性肝炎
e.) 淋巴瘤

5）會否大腸吸收水份方面出問題？
唔會.
係因為肝或腎功能出現問題, 未能及時分解及排出, 血液內出現之過量代謝物/毒素/或其他物質, 身體會發出訊號要吸收多d水份去稀釋血液中異常物之濃度, 所以造成口渴現象, 飲得水多, 自然排尿亦都多.
當肝臟腎臟正常運作, 飲水量會回復正常.
可以的話, 應該每日觀察及記錄其飲水量, 然後問醫生需否提供電解質飲品, 因過量排尿, 同時會過量排放電解質.

Louis

另外每日飲300ml水實在太多, 會否係玩水而非飲水?

風中飛鸚

剛剛有隻灰鸚鵡~同你情形一樣~在銅鑼灣留醫~睇醫生前問我~我說快去睇獸醫~唔係肝就腎啦~唔方好野~要盡快求醫~化驗後是肝臟出問題~

scylam

我睇住佢飲，當然有小許落地。大部份喝入。醫生現在用針簡及一支4寸長鋼管打harrison recovery 以及藥入素嚷。我好怕傷到佢。睇左三次。依然冇信心自己來。
醫生現在也給他Milk thistle

scylam

剛剛有隻灰鸚鵡~同你情形一樣~在銅鑼灣留醫~睇醫生前問我~我說快去睇獸醫~唔係肝就腎啦~唔方好野~要盡快求醫 ...
風中飛鸚 發表於 2013-5-6 10:23

正是我問過你。他已留院八九日。我就來破產
但要堅持到
1）佢可以自行進食
2）可以自己肯食藥\我懂得打藥入素嚷

jennymok

你睇緊邊個醫生呀?

Louis

如果係餵入嗉囊就簡單好多, 可以嘗試自己用針筒或匙羹餵 recovery 奶,  將藥加入recovery, 然後逐啖餵入口. 除非你隻雀唔肯, 會用脷頂出針筒或匙羹, 就要用插喉方法.

scylam

如果係餵入嗉囊就簡單好多, 可以嘗試自己用針筒或匙羹餵 recovery 奶,  將藥加入recovery, 然後逐啖餵入口. ...
Louis 發表於 2013-5-6 10:36

一有丁點藥就拒食。
我睇DR. Angelo. 當日DR. Frank放假。但相信佢地內部有交流
只系我最多可以再頂住三幾日。好貴吖

Louis

溝果汁/蜜糖/Lory 粉 又得唔得?

scylam

溝果汁/蜜糖/Lory 粉 又得唔得?
Louis 發表於 2013-5-6 10:46

三日後回家試試
已買定蘆薈。果汁，蜂蜜以及暖燈服侍大少爺。
希望佢大步夸過呢一關

louisa20047

半歲仔，force feed唔會好難

louisa20047

唔好俾太甜的食物/飲品，會脫水的

scylam

怕插錯害死佢吖