請各位幫手睇睇

gooza1984

今日灰鸚籠底有一支支好短既毛, 想問下是換毛嗎? 成鳥都會有呢D類似針毛既毛?
如果唔係換毛, 咁係咩? 某D毛既末段會有小小血..?

rose

咬毛 祝你好運

gooza1984

咁細支毛都係咬毛? 拔毛唔係成支毛的嗎?

rose

正確來說是拔毛，比咬毛还嚴重，因有傷囗，咬毛只是咬碎d毛

gooza1984

好擔心，希望各位比多d意見。點睇呢d都似一d未出好既毛，又細又短，如果係咬或拔毛，點解只係咬呢d既??

rose

知道點解就唔會咬啦!
See vet to rule out medical illness , but may need 全身麻醉

rose

我個隻初初都係咁,之後嚴重到大圍醫生話要安樂死，當然我冇放棄，而家好返曬（touch wood!)

gooza1984

我個隻初初都係咁,之後嚴重到大圍醫生話要安樂死，當然我冇放棄，而家好返曬（touch wood!)
rose 發表於 2013-5-21 22:33

    咬毛要安樂死???唔明…

發達鳥

回復 7# rose
好彩您無放棄佢. 差點寃旺死.

louisa20047

咬毛唔一定係咬碎D毛，可以係咬斷D毛
你隻鸚宜家的情況係咬/拔針毛(視乎毛根位有冇扁)
出現里種毛樣，不是自殘就係被殘

gooza1984

哎…咁就慘了…啱啱發玩佢肚仔有好細個位冇左毛…其實佢呢排心情好好，應該唔係唔開心，睇黎都係呢排熱同焗得滯令佢咁做。

rose

點解“咬毛要安樂死？“
佢由初初拔1條針毛，到後來變“光雞“，再自己咬到全身損，整個背脊係傷口，只係一個月時間，食極鎮靜劑都無用，人地咪要佢死law!
後來去搵Dr. Eric,話俾佢聽我唔接受咬毛要安樂死，佢好好心機幫我地，最後dong dong好番！

makjoe

最後係咪要食藥就好番？

Louis

條條都係毛針, 可能因為換毛身痕, 試下增加環境濕度至70~80%, 每日用噴壺隨意噴濕身, 唔需要沖涼咁濕. 如果隻雀喜歡玩水, 就每日放個水兜. 如情況無改善, 必要時可能要食止痕藥.

scylam

我個隻初初都係咁,之後嚴重到大圍醫生話要安樂死，當然我冇放棄，而家好返曬（touch wood!)
rose 發表於 2013-5-21 22:33

可否分享一下康復過程？

rose

條條都係毛針, 可能因為換毛身痕, 試下增加環境濕度至70~80%, 每日用噴壺隨意噴濕身, 唔需要沖涼咁濕. 如果 ...
Louis 發表於 2013-5-22 08:56

不如用"Rain"試下(鸚x 店有售)，有aloe vera 成份夠滋潤，不過唔知可唔可以日 日用。

rose

可否分享一下康復過程？
scylam 發表於 2013-5-22 11:14

別人的帖，不好在這講，遲d暑假開帖分享。


   

最後係咪要食藥就好番？
makjoe 發表於 2013-5-22 07:27

係，不過唔係普通用開個d！

louisa20047

條條都係毛針, 可能因為換毛身痕, 試下增加環境濕度至70~80%, 每日用噴壺隨意噴濕身, 唔需要沖涼咁濕. 如果 ...
Louis 發表於 2013-5-22 08:56

    其實除左清水同買鸚鵡產品幫鸚鵡噴，我地有有辦法可以自製D咩黎幫鸚鵡滋潤呢？
因為人皮膚不停濕水反而會變乾燥，鸚鵡皮膚塗油係一件困難的事，而且皮膚吸收後會唔會等於食左亦是一個問題
加濕的副作用相信對不少主人黎講都係一個問題，所以會唔會有咩其他方法可以滋潤到鸚鵡呢？

scylam

其實除左清水同買鸚鵡產品幫鸚鵡噴，我地有有辦法可以自製D咩黎幫鸚鵡滋潤呢？
因為人皮膚不停濕 ...
louisa20047 發表於 2013-5-22 14:32

蘆薈。英文Aloe Vera

街市有新鮮買。我的灰B有食小小

Louis

換毛期間, 皮膚及毛囊細胞活躍, 有d雀皮膚感覺較敏銳, 會覺得痕癢, 甚至覺得皮膚上毛針有如異物, 想除之而後快, 所以拔走條毛針.
噴水或玩水, 主要作用唔係滋潤皮膚, 而係軟化毛針, 舒緩換毛期間皮膚痕癢不適, 而且濕身後, 隻雀會執毛, 一堆針毛殼會脫落, 有助清除異物感覺.

依家季節唔係好似冬天般乾燥, 所以皮膚冇甘容易因乾燥而痕癢, 所以呢個case用蘆薈水噴身作皮膚滋潤保濕作用唔大, 應該係對毛針保濕軟化作用較大, 而且食埋蘆薈肉當健康食療未嘗不可.

或者加d幫助換毛營養補充劑, 加快換晒d毛, 縮短換毛痕癢期可能都會有用.