龍貓係咪好易養?

sesese

我未養過龍貓, 但見到愛協成日有被遺棄既龍貓領養, 上次去事頭婆度見佢隻龍貓乖乖地自己玩自己食野, 所以都好想試下養, 呢度有無人都係養緊龍貓? 係咪同養白兔差唔多?

MANDYLEAD

我無養,但身邊好多朋友都有養,好可愛
應該好易養咋

小英仔

好易養,不過我覺得夏天佢好熱,如果可以應該開冷氣畀佢涼
我家都有養,不過返工佢無冷氣,毛毛會無咁靚

SugarSugar

原帖由 小英仔 於 2009-7-7 15:24 發表
好易養,不過我覺得夏天佢好熱,如果可以應該開冷氣畀佢涼
我家都有養,不過返工佢無冷氣,毛毛會無咁靚

拿個短毛剪剪短佢,可能仲Q.

sesese

無冷氣嘆 d 毛會無咁靚, 咁奢侈架... 咁磚地都夠涼爽o丫, 我放佢在地下某範圍內係咪都可以呢? 夜晚睡覺我都開冷氣, 到時咪有得一齊涼囉

小英仔

原帖由 sesese 於 2009-7-7 15:51 發表
無冷氣嘆 d 毛會無咁靚, 咁奢侈架... 咁磚地都夠涼爽o丫, 我放佢在地下某範圍內係咪都可以呢? 夜晚睡覺我都開冷氣, 到時咪有得一齊涼囉

可以專登放既,但佢又可能會屙在那裡,我家又無試過咁,有十幾年命架佢,我家的老人家都有十四五歲喇,有白內障都好少病痛既

agnes283

養籠貓唔一定要嘆冷氣，我個隻都冇嘆冷氣，Ｄ毛唔靚你可以一個星期沖兩次涼，不過籠貓Ｄ個性比較靜，無鸚冇噤互動，同埋佢有十年以上壽命。

煙花

我見我朋友隻龍貓男仔,會黃狗射尿咁屙
所以我認為養都養女仔會好小小

其實都係好似鸚鵡咁,有d 養到反轉都得,有d 就追住你隻手指黎咬
龍貓都係,見朋友有d 教到識做恭喜果個動作
有d 就唔鐘意同人玩
好睇性格~

tsw

養寵物要有愛心同有時間,唔好一時高興,之後就遺棄!

風中飛鸚

極易養~易養過黑老鼠~

tangpf0809

龍貓披毛厚, 怕熱, 鸚鵡則怕冷, 要考慮清楚能否將兩種動物一齊養. 否則夏天開冷氣驚隻鸚鵡凍, 冬天開暖爐又驚隻龍貓熱
龍貓要用乾洗粉沖涼, 不可濕水
要用磨牙石磨牙, 因牙齒會不斷生長
食物方面, 吃龍貓乾糧, 乾草, 紅蘿蔔等
籠底鋪報紙及木槺, 木槺可幫助吸屎味, 屎味都幾大, 要受得才好...

Louis

事實係, 好多兔仔,龍貓,天竺鼠因為主食粒粒糧, 因為粒粒糧唔夠硬, 磨唔到臼齒, 令到臼齒生長過長, "篤"傷口腔引致口腔潰瘍, 不能進食, 嚴重甚至"篤"穿塊面, 主人見到時以為塊面擦傷流血, 帶去睇醫生先知道大件事.
此外,  磨牙石只可磨到門牙, 磨唔到臼齒, 要食又長又粗既乾草, 靠咀嚼乾草既粗纖維, 先可以磨到臼齒. 龍貓兔仔乾糧唯一好處係加入左調配好既營養添加劑, 使佢地得到均衡營養.
食品方面最好一半以上係乾草做主糧, 其餘係粒粒飼料及新鮮水果蔬菜.

sesese

原帖由 tangpf0809 於 2009-7-8 13:50 發表
龍貓披毛厚, 怕熱, 鸚鵡則怕冷, 要考慮清楚能否將兩種動物一齊養. 否則夏天開冷氣驚隻鸚鵡凍, 冬天開暖爐又驚隻龍貓熱 ...

龍貓怕熱, 鸚鵡怕冷   兩個極端, 都幾頭痕...

風中飛鸚

老鼠藥都難毒死丫~仲問易唔易養~易請難送丫~

小英仔

原帖由 風中飛鸚 於 2009-7-8 16:35 發表
老鼠藥都難毒死丫~仲問易唔易養~易請難送丫~

你毒過佢咩

風中飛鸚

咁又冇~只係形容詞~

BABYPAPA

總覺得鼠類多菌的

cash

我之前都養過，幾年前佢百年歸老左喇 都養左佢十四五年，係覺得用木糠麻煩d，因為好碎，同埋佢好鍾意在四個角尿尿，木糠濕左又難攪，以前未有寵物尿墊，如果唔係就方便好多，不過佢真係好得意，d毛好軟架

風中飛鸚

原帖由 cash 於 2009-7-9 01:18 發表
我之前都養過，幾年前佢百年歸老左喇 都養左佢十四五年，係覺得用木糠麻煩d，因為好碎，同埋佢好鍾意在四個角尿尿，木糠濕左又難攪，以前未有寵物尿墊，如果唔係就方便好多，不過佢真係好得意，d毛好 ...

十四/五年前就最貴啦~幾千元一隻~現在幾百元都有~買籠送貓都有~