多隻大兔抱棄門外 兔協閉路電視捉

pinko

生命無價，飼養寵物應三思後行，大家要做個負責任的飼主。為阻嚇市民胡亂棄養，香港兔友協會（兔協）上年底開始在門外裝上閉路電視拍下棄養者的容貌。近日，兔協赫然發現棄兔者手法純熟，連棄多兔，疑為兔販，狠心把長大又賣不出的兔仔棄養。兔協已將片段上載影片網站，望網民發揮「起底」力量，找到「疑販」，還可憐小兔一個公道。

        香港兔友協會幹事周玉霞指，鑑於多次有人漠視規矩，狠心將兔子棄於兔協會址門外，因此去十月決定安裝攝錄機，廿四小時拍下門外情況，以收阻嚇作用。

        「起底」找事主冀回心轉意

        「如果發現無良主人棄兔，我們會將事發經過的影片段及照片，上載到網誌、facebook，希望兔友、網友可以幫忙提供棄兔主人的資料或聯絡方法。」周玉霞表示，「起底」主要目的是希望找到事主，勸他們回心轉意或依照正確程序排隊棄養。

        閉路電視安裝初期的確收到成效，棄兔人數減少三分一，但未幾即發現可疑人物，連番棄兔。「短短九日內，共遺棄了六隻幼兔，全是不同品種，很明顯有古怪。其實去年八月，亦曾有人以同款紙箱，將七隻不同品種的兔仔遺棄，使我們不禁懷疑他們是否同夥。」

        周玉霞指會員甚至認為片中人是兔販，「我們不能斷言，但只有兔販才能定期遺棄這麼多不同品種的兔仔，普通人一般多養同一種兔。完成發育的兔仔會滯銷，一些兔販可能為了不再浪費資源去飼養不能圖利的動物，所以將他們棄掉，騰出空間重新購置一批初生兔賣，真係好自私。」有關影片已經上載至YouTube及協會網誌。

        網民見上載片段慨憤

        事件令愛兔之人感到十分氣憤，於網誌大罵「疑販」無惻隱之心。但由於人手所限，兔協未能組隊到寵物店調查，唯用網民力量，歡迎網友或會員自發「起底」及巡查，以便作進一步行動。

        漁護處表示，根據香港法例四百一十二章狂犬症條例第二十二節規定，「動物蓄養人如無合理解釋而棄掉其動物，即屬犯罪，可被判處罰款一萬元及監禁六個月」但一般舉證十分困難，是次兔協拍有影片，可以作為資料之一，有助處方調查及搜集證據。

        愛護動物協會亦指，法例已經過時，舉證困難，未必能保障動物權益，但明白要修改法例不能一步登天，希望政府可先擴闊植入晶片計劃開始，遁序漸進。而協會繼續加強教育公眾，提市民飼養寵物是一世的承諾。

        本報記者

madcat

早年我哥哥開的籠物店米又係....日日都有1-2隻貓OR狗放係門口.....仲要隻隻都係名種...有次仲媽咪連仔女一箱咁放係門口.....我哥成日找我叫我搵人要...我都俾唔少人...

後來我哥頂唔順..就摺左間店....因為養活口係好難經營....

打倒LE D不負責任主人....佢地下世要做一隻流浪動物

大M

很定是兔販所為, 但大家又可以如何! 佢地唔會自己做, 被2/3百叫d公公婆婆做, 問你點捉?
做生意都要講良心, 唔係下下用$$$$

MANDYLEAD

大家有無諗過,呢件事揚左出去,d人知道兔協有閉路電視
就唔敢再放兔係兔協度,咁你地估下之後佢地會放d兔係邊呢?街邊?公廁?路邊?
兔協呢次做得岩唔岩就要睇大家點諗啦

Louis

佢地已經算有良心, 拎去兔協門口, 就算唔拎去兔協門口, 都會拎去SPCA門口或者獸醫診所門口, 如果唔係, 佢地大可以劏左d兔仔賣俾街市佬, 又或者急凍賣比爬蟲店或狗場.

drdoom

有無D完成發育,會滯銷,不同品種的金剛棄養

風中飛鸚

我同louis睇法相同~佢已經算係咁啦~有d放去公園,/樹林/山邊/仲衰丫~有d留在地鐵/巴士/小巴/電梯/,

所以願意送給別人已經唔算衰到盡啦~

我地要正視養之前~因為寵物細隻時~一定可愛~老左一定唔好玩~養得就要負起責任~我就係一個最典型例子~在幾年前~是一個典型不負責任主人~直到唔知乜野時候~睇法突然改變~

以前我所養過的寵物數量之多~可以數一數二~從未有寵物可以養超過一年~寵物冇乜好下場~

回想都覺得好不安~我現在要用麥皮虫做飼料~都冇d唔安樂~唔忍心夾去餵,都覺得殘忍~

都係慢慢轉食乾虫~(心理上好過d,)因為每次餵虫時候~覺得自己決定邊條虫死先~個心好唔舒服~

希望自己可以為動物出一分力~補償以往自己做錯~

Louis

"...我現在要用麥皮虫做飼料~都冇d唔安樂~唔忍心夾去餵,都覺得殘忍~"
冇d唔安樂, 但又覺得殘忍, 證明你內心真係好矛盾...