鸚鵡鈣質及鐵質問題

chengKalok

請問怎樣才可補充鈣質及鐵質呢??
如一星期添加一次蛋殼粉及一至兩次蛋糧可以嗎?
另請教....我的鸚鵡貪玩無時停, 我試過喂奶牠們只點點一口便走人
係咪要拿走d水到晚上才喂奶 或 可否用水樽待牠們飲用呢

小草妹

你隻鸚鵡係bb ? 其實我咁睇啦 健康成鳥一般餵奶 最大得益係比佢適應針筒
佢地自己識食  其實唔食奶問題唔大的  而且成鳥食太多bb 奶 會有脂肪肝 所以要用糧粉代替
佢唔食的話 試下用針筒餵小麥胚芽粉溝暖水呀  佢地好鐘意的。
另外鸚鵡身體不能代謝過剩鐵質 如果唔係身體檢查過真係好缺乏鐵質
其實就咁亂咁補乜補物好危險  過剩鐵質 會肝硬化同衰竭

小草妹

利用撘車時間岩岩上網查過  Hemochromatosis （iron storage diseases）鳥類身體過剩的鐵質會store 係肝臟 過量既鐵質會令肝細胞中毒 嚴重至死
原來呢種病多數只係食水果既鳥類身上揾到 如大咀鳥 吸蜜
但宜家開始係其他鸚鵡類發現到 獸醫推斷係糧既問題

小草妹

仲有仲有 千其唔好比鸚鵡食狗糧  狗隻係肉食動物
好自然狗糧有肉既成份  而有得肉 自然有血  血球中既既血紅素 （唔係係咪咁叫 我剩係識英文 haemoglobin）
而haemoglobin 主要成份係鐵質 食過多 就會有以上問題

louisa20047

食蛋殼粉其實同食墨魚骨一樣，隻雀要先會吸收，通常唔會造成過量吸收的問題，不過有案例係，因為食物中的鈣質過量，鸚鵡吸收不了，結果於腸中累積，阻礙營養吸收，反而令鸚鵡死於營養缺乏
蛋糧，其實非幼鳥/繁殖鳥無需食咁多，營養易過多，而且我好討厭入面的添加劑
鸚鵡如果自己食都可以足夠身體所需的話，不餵奶不是問題。但不要放水樽或糧兜等佢自己得閒食兩啖，細菌問題影響更大

chengKalok

感謝小草妹和Louisa解答, 不過我都明少少, 因我發現自己平時喂食好似出現問題!!所以上來問一問
我又網上睇過有人俾d雞骨鸚鵡吃, 係點俾呢, 去晒d肉後再煲水去油?
我平時d雀仔朝早合成糧 (佢地掉多過吃) , 中午生果,蔬菜,縲絲粉,飯,麥皮, 晚上就早上食淨d合成糧+種子糧+出來活動幾個鐘, 而一個星期加一次蛋糧和蛋殼粉, (這種方式係咪少了d鈣質呢?)
因我家灰鸚而家用針筒喂佢飲奶, 佢鬧人....飲少少時間多多, 再加上我爸爸剛入了老人院我差不多日日過去探佢, 沒有太多時間, 而家都要將平時生活節拍加快去打拍子了

louisa20047

係咩原因/徵狀令你覺得餵食出左問題呢？
其實合成糧中有鈣，不少蔬菜都有鈣，而且你又有俾蛋糧，其實應該夠
(一粒蛋可以出一隻雞仔，咁食一粒蛋就即係食左一隻雞仔)
我個人唔會俾雞骨俾鸚鵡食。不過聽聞(只係聽聞，我冇試過)係俾雞腳骨(主要係骨髓)
你睇睇麥皮同螺絲粉的包裝，睇下有冇咩鸚鵡唔食得多的成份啦

littlecae

你唔好"覺得"佢地唔夠營養,直接去抽血驗(唔洗麻醉)系最直接可以知有邊種營養有過多/少既方法

JoeLee

如果灰鸚食的合成糧係Harrison High Potency Coarse，就少D機會出現缺乏鈣的毛病.因為Harrison 用咗一批灰鸚做實驗，測試那批灰鸚食了High Potency Coarse後在體內的鈣水平。結論係正面的。報告更發現如果每天有曬太陽或每天有被UVB light照射，灰鸚軆內的鈣水平就更理想。

wongleung

多谢分享，我有比鸡骨和骨头D鹦鹉咬，是否不好。

kkling

唔使攪咁多花臣！
一隻正常既雀合成糧+水果青菜已經得架啦！

chengKalok

感謝各位 ~ 係fb度朋友叫我關注這個問題 ~ 我就上來問問